Mánuður: október 2017

Úrslit úr Haustmóti nr 3.

Þriðja haustmót GS fór fram í ágætisveðri s.l Laugardag. um 70 kylfingar tóku þátt og voru skorin bara með ágætum.

Úrslit urðu sem hér segir;

1.sæti Besta Skor. Óskar Halldórsson 76.högg
1.sæti punkt Friðrik Friðriksson 40.punktar
2.sæti punkt Óskar Halldórsson 36.punktar
3.sæti punkt Sigurður Jónsson 34.punktar.

Næst holu á 16.braut Oddný Baldvinsdóttir 2,47m.

GS þakkar keppendum kærlega fyrir komuna og óskar vinningshöfum til hamingju með verðlaunin.

Aðalfundur GS verður 4. desember

Aðalfundur Golfklúbbs Sðurnesja verður haldinn mánudaginn 4. desember nk. og hefst kl. 20.00.


Þeir sem hafa áhuga á að bjóða sig fram til stjórnar er bent á lög GS:

6. grein.
Afl atkvæða ræður á aðalfundi. Atkvæðisrétt hafa allir félagsmenn GS 18 ára og eldri sem greitt hafa árgjald þess starfsárs sem er að ljúka og mættir eru á aðalfundi. Þeir eru einnig kjörgengir til stjórnarkjörs.
Tilkynningar um framboð til stjórnar þurfa að hafa borist skrifstofu GS minnst viku fyrir aðalfund.

Með golfkveðju,
Jóhann Páll Kristbjörnsson,
formaður

Karen hætt sem íþróttastjóri GS

Golfklúbbur Suðurnesja og Karen Sævarsdóttir hafa komist að samkomulagi um starfslok hennar sem íþróttastjóri GS. Karen hefur skilað góðu starfi fyrir GS undanfarin þrjú ár. Stjórnin þakkar Karen fyrir vel unnin störf og óskar henni velfarnaðar í því sem hún tekur sér fyrir hendur.


Vinna er hafin við að finna eftirmann Karenar og munum við flytja félögum fréttir af því þegar þau mál skýrast.

Fyrir hönd stjórnar,
Jóhann Páll Kristbjörnsson
formaður

Bréf frá framkvæmdastjóra

Sælir GS félagar,

Nú fer að líða að lokun Hólmsvallar og rétt að staldra aðeins við til að fara yfir hin ýmsu mál sem við koma vellinum okkar. Á heildina litið var sumarið ágætt og góður veðurkafli kom loks í ágúst og má segja að hann hafi bjargað að miklu leyti sumrinu fyrir okkur.

Hólmsvöllur í Leiru var að okkar mati í góðu standi í sumar. Flatir voru tappagataðar s.l. haust og sandaðaar. Í vor kom það í ljós að þriðja flötin okkar fór nokkuð illa út úr vetrinum og var nánast 80% dautt gras á henni. Tekin voru sýni úr gríninu og kom í ljós að seltumagn í því var um sjötíufalt meira en það á að vera. Hafist var handa við að minnka seltu í flötinni og yfirsá í hana. Um mitt sumar var hún orðin þokkaleg og loks í ágúst orðin sambærileg öðrum flötum á vellinum. Flatirnar voru síðan djúpgataðar nú í haust og sandaðar til þess að undirbúa þær fyrir veturinn. Við teljum okkur vita afhverju seltumagn í þriðja gríninu jókst svona mikið eins og raun bar vitni og  teljum okkur tilbúin að verja það í vetur fyrir ágangi sjávar.

Eins og þið hafið eflaust tekið eftir þá erum við byrjaðir að fylla í tjörnina á fjórðu brautinni, en við telum nauðsynlegt að gera það til að þurrka upp svæðið, en tjörnin á fjórðu hefur virkað sem „matari“ fyrir vatn á fjórðu braut undanfarin ár.  Stefnt er að því að ljúka þessari framkvæmd í vetur.

Við höfum einnig fengið golfvallararkitekt til að koma að vinna með okkur um að skipuleggja og hanna fjórðu brautina upp á nýtt og er sú vinna við það að hefjast. Munum við kynna þær breytingar á félagsfundi um leið og þær verða klárar.

Aðrar framkvæmdir sem unnar voru í sumar:
– Göngustígur við 2. flöt lagfærður.
– Göngustígur við 7. flöt lagfærður.
– Göngustígur við 9. flöt lagfærður.
– Nýr göngustígur við 12. teig.
– Göngustígur við 14. flöt lagfærður.
– Ný pútt- og vippflöt við 1. teig (tekin í notkun næsta vor)
– Nýr göngustígur við 18. flöt.

Fyrirhugaðar framkvæmdir í vetur:
– Ný æfingaglompa við nýja púttflöt
– Nýr grasteigur á æfingasvæði
– Frágangur við 4. tjörn (loka)
Karginn var látinn vaxa á nokkrum svæðum í sumar, t.d. á milli 1. og 18., á milli 17. og 18. og vinstra megin á 2. braut. Með þessu erum við að rækta upp þessi svæði sem eru mjög gisin og er það okkar von að með þessu munum við ná að rækta þau betur upp og koma í veg fyrir að þau „brenni“ í mestu þurrkunum á sumrin. Hafa ber í huga að þessi svæði eru viðkvæmustu svæði vallarins í þurrkatíðum.

Heilt á litið voru ekki mikil vandamál til staðar á vellinum í sumar, þ.e.a.s. graslega séð. Nú á haustdögum fengum við smá sveppasýkingu í flatir en sú sýking virtist bara hætta þegar leið á haustið og gerði flötum engan skaða. Við getum sagt að völlurinn fari í sínu besta ástandi inn í veturinn sem lofar góðu fyrir næsta vor.

Ég fæ reglulega spurningar frá félagsmönnum um hina og þessa hluti varðandi völlinn okkar og hef svarað þeim öllum, og ef þú félagi góður hefur einhverjar spurningar varðandi völlinn okkar þá skaltu ekki hika við að hafa samband við mig í síma eða tölvupósti.

 

Gunnar Þór Jóhannsson
framkvæmda- og vallarstjóri GS
846-0666
gtj@gs.is

Opna Haustmótaröð GS 2017

Haustmótaröð GS hefst Laugardaginn 7.október með fyrsta móti mótaraðarinnar. Stefnan er sett á að halda 6 slík mót á Laugardögum í Október og fram í Nóvember. Leikið verður á Laugardögum en Sunnudagar eru „varadagar“ ef ekki verður hægt að leika á Laugardögum. Veitt verða verðlaun fyrir hvert mót fyrir sig en einnig verða veitt verðlaun fyrir svokallaðan „stigameistara“ mótaraðarinnar, en það verður sá kylfingur sem sem fær flesta punkta samanlagt í öllum mótum.

Verðlaun fyrir hvert mót.
1.sæti án fgj. verðlaun frá Bláa Lóninu
1.sæti punktar verðlaun frá Bláa Lóninu
2.sæti punktar verðlaun frá Ölgerðinni
3.sæti punktar verðlaun frá Nóa Síríus

Nándarverðlaun frá ýmsum.

Hámarksforgjöf í mótin eru 28 karlar og 32 konur.
Rástímar verða frá 08:00 – 14:00
Verð 4.500 kr.

Skráning á golf.is

Bændaglíma 2017

Bændaglíman í ár verður haldin fimmtudaginn 5. október. Leiknar verða tólf holur (1.-11. og 16.) og fyrirkomulagið er holukeppni með forgjöf.

Þar sem veðurspá er hagstæð fyrir fimmtudaginn bregðum við út af vananum og höldum bændaglímuna á fimmtudegi í ár.

Að leik loknum verða veitingar í skálanum. Mæting eigi síðar en kl. 16.00 þar sem bændur velja í lið áður en haldið er út á völl.

Tapliðið þjónar sigurvegurum til borðs.

Skráning fer fram á golf.is

Scroll to top