Mánuður: október 2018

Herrakvöld GS 2018

Herrakvöld GS verður haldið föstudaginn 2. nóv n.k og opnar húsið kl 19:00

Boðið verður upp á hið margrómaða sjávarréttarhlaðborð Gunna Palla.

Miðaverð kr. 6.000.

Hægt að panta miða á gs[at]gs.is eða í síma 846-0666

Ert þú næsti framkvæmdastjóri Golfklúbbs Suðurnesja?

Staða framkvæmdastjóra Golfklúbbs Suðurnesja (GS) er laus til umsóknar. Framkvæmdastjóri heyrir undir stjórn GS, hann gegnir lykilhlutverki í starfi klúbbsins og hefur yfirumsjón með daglegum rekstri hans.

Meginstarfsemi Golfklúbbs Suðurnesja fer fram í Leirunni. Þar er klúbbhúsið og skrifstofan, Hólmsvöllur (18 holu golfvöllur), Jóel (sex holu æfingavöllur), æfingasvæði, golfverslun og veitingasala. Yfir vetrartímann fer starfsemi klúbbsins að mestu fram í Golfakademíunni við Sunnubraut þar sem fullkomin inniæfingaaðstaða og golfhermir er til staðar.

Starfssvið:

  • Yfirumsjón með og ábyrgð á daglegum rekstri, þar með talið starfsmanannahald, fjármál og samskipti við opinbera aðila
  • Ábyrgð á þjónustu við klúbbmeðlimi sem og almenna kylfinga
  • Gerð fjárhags- og starfsáætlana
  • Upplýsingagjöf og samstarf við stjórn og nefndir klúbbsins

Menntunar- og hæfniskröfur:

  • Háskólamenntun og/eða menntun sem nýtist í starfi
  • Þekking og reynsla af íþróttastarfi
  • Frumkvæði og metnaður til að ná árangri í starfi
  • Færni í mannlegum samskiptum, samskiptahæfni og samstarfsvilji
  • Jákvæðni og þjónustulund
  • Góð íslensku- og enskukunnátta, í töluðu og rituðu máli
  • Haldgóð tölvukunnátta
  • Reynsla af stjórnun

Umsókn skal fylgja greinargóð ferilskrá umsækjanda og kynningarbréf þar sem ástæða umsóknar er tilgreind.
Nánari upplýsingar um starfið veitir Jóhann Páll Kristbjörnsson, formaður GS, í síma 771-2121 eða í netfanginu johann[at]gs.is.
Umsóknarfrestur er til 18. nóvember. Umsækjendur þurfa að geta hafið störf þann 1. febrúar. Farið verður með allar umsóknir sem trúnaðarmál. Umsóknum má skila rafrænt á netfangið gs[at]gs.is.

Breytingar framundan hjá Golfklúbbi Suðurnesja

Gunnar Þór Jóhannsson, framkvæmda- og vallarstjóri GS, hefur sagt starfi sínu lausu. Það er því ljóst að á næsta tímabili mun nýr aðili sjá um daglegar rekstur Golfklúbbsins.

Gunni hóf störf hjá GS árið 1996 sem sumarstarfsmaður og starfaði sem slíkur fram til ársins 2001, eða þar til hann hóf nám við Elmwood College í Skotlandi þaðan sem hann útskrifaðist síðan sem grasvallafræðingur.
Hann kom aftur til starfa hjá GS vorið 2014 sem aðstoðarvallarstjóri, Gunni starfaði sem aðstoðavallarsstjóri og svo síðar sem vallarstjóri til ársins 2011 en þá tók hann við sem framkvæmdastjóri og mun sinna því starfu út febrúar 2019.

Gunnar er GS-ingur í húð og hár og hefur verið í Golfklúbbi Suðurnesja frá átta ára aldri, hann stefnir að vera virkur sem slíkur um ókomna framtíð.


Þá hefur Issi tilkynnt stjórn að hann og Hjördís muni ekki framlengja samningi við Golfklúbbinn um veitingasölu í Leirunni.

Issi og Hjördís hafa sinnt veitingasölunni undanfarið ár við frábærar undirtektir félagsmanna og það má búast við að margir komi til með að sakna þeirra úr golfskálanum næsta sumar.
„Þetta sumar var auðvitað handónýtt golf- og rekstrarlega séð,“ sagði Issi. „GS-ingar hafa tekið okkur frábærlega og samstarfið við þá verið gott í sumar, en við hjónin höfum rætt þessi mál og komist að sameiginlegri niðurstöðu að ákveðnar ástæður valdi því að við teljum að kröftum okkar verði betur varið annars staðar.“

Úrslit úr Haustmótaröð GS (2)

Það voru rúmlega 70 manns sem tóku þátt í öðru móti Haustmótaraðar GS við frábærar aðstæður í gær.

Mörg frábær skor sáust á vellinum í gær, m.a. léku þrír kylfingar á fjórum höggum undir pari og hæsta skor í punktakeppni 41 punktur.

Úrslit:

1. Dagur Ebenezersson, GM, 41 punktar (68 högg)
2. Þorvaldur Freyr Friðriksson, GR, 40 punktar (75 högg)
3. Jóhann Kristinsson, GR, 38 punktar (77 högg og 21 punktar á seinni níu)

Aron Snær Júlíusson sigraði höggleikinn á 68 höggum, -4 (32 högg á seinni níu)

Aron Snær byrjaði ekkert sérstaklega vel en eftir þrjá skolla steig hann ekki feilspor eins og sjá má á skorkortinu.


Næstur holu á 9. braut (í tveimur höggum): Sigurður Lúðvíksson, 38 cm
Næstur holu á 16. braut: 16 Elísabet Böðvarsdóttir, 148 cm
Næstur holu á 18. braut (í þremur höggum): Aron Snær Júlíusson, 4 cm

Áður samherjar í sigurliði – nú andstæðingar

Bændaglíma GS 2018 fer fram laugardaginn 13. október

Bændur eru þau Guðríður Vilbertsdóttir og John Berry

Keppni hefst kl. 11.00 (ræst út af öllum teigum samtímis) og mæting eigi síðar en hálftíma fyrir leik í golfskála.
Keppendur eru beðnir að skrá sig hér í mótið og svo velja bændur í lið kl. 10:30.
Að leik loknum verður boðið upp á Issa Fish’n’chips handa keppendum.

Skráning á golf.is

Scroll to top