Ár: 2019

Tvær vikur í aðalfund

Aðalfundur Golfklúbbs Suðurnesja 2019 verður haldinn sunnudaginn 1. desember nk. í golfskálanum í Leiru og hefst fundurinn kl. 16.00.


Í fimmtu grein laga Golfklúbbsins er gerð grein fyrir dagskrá fundarins:
Störf aðalfundar eru:
1. Kosning fundarstjóra og fundarritara.
2. Skýrsla stjórnar fyrir síðasta starfsár.
3. Reikningar lagðir fram og skýrðir.
4. Umræður um skýrslu stjórnar og reikninga. Atkvæðagreiðsla um reikningana.
5. Lagabreytingar.
6. Lögð fram tillaga um gjaldskrá.
7. Kosning formanns.
8. Kosning fjögurra stjórnarmanna.
9. Kosning tveggja skoðunarmanna reikninga og eins til vara.
10. Önnur mál.


Ég vil benda félögum í GS sérstaklega á sjöttu grein sömu laga og lúta að væntanlegum framboðum:
6. grein.
Afl atkvæða ræður á aðalfundi. Atkvæðisrétt hafa allir félagsmenn GS 18 ára og eldri sem greitt hafa árgjald þess starfsárs sem er að ljúka og mættir eru á aðalfund. Þeir eru einnig kjörgengir til stjórnarkjörs.
Tilkynningar um framboð til stjórnar þurfa að hafa borist skrifstofu GS minnst viku fyrir aðalfund.

Ég hvet alla félaga í Golfklúbbi Suðurnesja, sem bera hag klúbbsins fyrir brjósti og hafa áhuga á að leggja sitt af mörkum til að tryggja áframhaldandi uppgang hans, að gefa kost á sér til stjórnar- eða nefndarstarfa og tilkynna það formanni uppstillingarnefndar eigi síðar en viku fyrir fund. Fyrir uppstillingarnefndinni fer John Berry og er hægt að senda honum tölvupóst á berry[at]simnet.is eða hafa sambandi við Andreu framkvæmdastjóra á andrea[at]gs.is eða í síma GS, 421-4100.

Tengill á lög Golfklúbbs Suðunesja

Golfferð GS til Penina í Portúgal

Penina er staðsett í vestur hluta Algarve héraðs skamt frá borginni Portimao. Aðrir líflegir bæir í næsta nágrenni við Penina eru Lagos, Lagoa og strandbærinn Carvoeiro. Frá Faro flugvelli til Penina er u.þ.b. klukkutíma akstur.
Penina er heimsþekkt Golfresort staðsett í yndislegri náttúru. Við hótelið eru þrír golfvellir. Keppnisvöllurinn Sir Henry Cotton átján holur. Academy níu holu völlur og Resort níu holu völlur. Á staðnum er glæsilegt, nýtt æfingasvæði sem þegar er talið eitt af þeim betri í Evrópu, púttflöt, vippflöt, sandglompur og flöt til að slá inn á.
Í aðeins fimmtán mínútna fjarlægð frá Penina er stórkostlegur golfvöllur, Onyria Palmares. Völlurinn var nýlega kosinn besti golfvöllur Evrópu og einstakt tækifæri er að prófa þessa perlu í ferðinni. Nánari upplýsingar hjá fararstjóra erlendis.
Penina er ódauðlegur minnisvarði um hinn glæsilega golfvallahönnuð Sir Henry Cotton. Það voru hrísgrjónaakrar á staðnum þegar Sir Henry kom til að hanna golfvöll. Svæðið er nokkuð flatt og fannst Sir Henry þar með ástæða til að planta þónokkuð af trjám og setja inn vatnatorfærur fyrir kylfingana með lengri höggin.

Penina Academy völlurinn er þægilegur níu holu völlur en leynir á sér þar sem stórt vatn er við þriðju par-3 holuna og fjórða er löng par fimm braut. Penina Resort völlurinn er einnig níu holu völlur með trjám og vatnatorfærum rétt eins og keppnisvöllurinn. Á Penina hefur hið þekkta golfmót Portúgal open verið haldið átta sinnum.

Æfingaferð GS til Penina í Portúgal 28. mars – 4. apríl 2020

Flogið verður til og frá Faro í beinu leiguflugi með Icelandair á Boing 757 vél. Brottför er þann 28. mars kl. 08:00 lent í Faro kl. 14:10. Flugtími heim þann 4. apríl er frá Faro kl. 15:10 lent í Keflavík kl. 17:10.
Penina er vestur af Faro og tekur aksturinn frá flugvellinum u.þ.b. 45 mínútur. M.v. flugtíma hér að ofan er hægt að spila eða æfa golf eftir komu fyrsta dag og síðan alla daga næstu sex daga, það gerir 7 golfdaga í ferðinni. Á Penina eru þrír golfvellir: Championship völlur þar sem okkar 18 holur á dag eru bókaðar, 9 holu Resort völlur og 9 holu Academy völlur. Hægt er að skoða allt um Penina svæðið á vefsíðu Vita.

Verð:

179.000 kr. á mann fyrir iðkendur í tvíbýli
199.000 kr. á mann fyrir foreldra í tvíbýli
219.000 kr á mann fyrir foreldra í einbýli

Innifalið:

Beint leiguflug með Icelandair
Flutningur golfsetts (hámark 15 kg) og farangurs (hámark 20 kg)
Akstur milli flugvallar og hótels
Gisting – herbergi með útsýni yfir sundlaug
Morgunverðarhlaðborð.- kvöldverður skiptist á þremur veitingastöðum hótelsins og er 1/2 flaska vín (vín hússins), bjór, gos, vatn og kaffi innifalið öll kvöld.
Veitingastaðirnir The Dunas og Le Grill standa fyrir utan þetta tilboð en hægt er að panta borð þar þegar út er komið.
Nestispakki í hádegi fyrir iðkendur
Ótakmarkaðir æfingarboltar fyrir iðkendur
Ein karfa af æfingarboltum daglega fyrir foreldra (50 boltar)
*Golf með golfbíl fyrir foreldra og golf með kerru fyrir iðkendur alla daga á aðalvellinum og auka golf á níu holu völlunum (ef rástími er laus).
*Ótakmarkað golf: Gestir okkar geta spila ótakmarkað golf á öllum þremur golfvöllum sér að kostnaðarlausu alla spiladagana eingöngu EF rástímar og golfbílar eru lausir. Viðbótar golf við átján holur á dag er ekki hægt að panta fyrirfram og er háð umferð á vellinum.

Bókunarleiðbeingar:

Vinsamlega lesið eftirfarandi ÁÐUR en bókað er: Þegar bókun er gerð er hægt að greiða staðfestingargjald 40.000 kr. eða greiða upp ferðina.
ATH – ekki er hægt að nota vildarpunkta í þessa ferð.
Til að bóka ferðina notið tengilinn hér. Þá kemur upp síða þar sem beðið er um hópanúmer: 3021
ATH. Bókunarfrestur er til 7. janúar 2020

Aðalfundur 2019

Aðalfundur Golfklúbbs Suðurnesja 2019 verður haldinn sunnudaginn 1. desember nk. í golfskálanum í Leiru og hefst fundurinn kl. 16.00.


Í fimmtu grein laga Golfklúbbsins er gerð grein fyrir dagskrá fundarins:
Störf aðalfundar eru:
1. Kosning fundarstjóra og fundarritara.
2. Skýrsla stjórnar fyrir síðasta starfsár.
3. Reikningar lagðir fram og skýrðir.
4. Umræður um skýrslu stjórnar og reikninga. Atkvæðagreiðsla um reikningana.
5. Lagabreytingar.
6. Lögð fram tillaga um gjaldskrá.
7. Kosning formanns.
8. Kosning fjögurra stjórnarmanna.
9. Kosning tveggja skoðunarmanna reikninga og eins til vara.
10. Önnur mál.


Ég vil benda félögum í GS sérstaklega á sjöttu grein sömu laga og lúta að væntanlegum framboðum:
6. grein.
Afl atkvæða ræður á aðalfundi. Atkvæðisrétt hafa allir félagsmenn GS 18 ára og eldri sem greitt hafa árgjald þess starfsárs sem er að ljúka og mættir eru á aðalfund. Þeir eru einnig kjörgengir til stjórnarkjörs.
Tilkynningar um framboð til stjórnar þurfa að hafa borist skrifstofu GS minnst viku fyrir aðalfund.

Ég hvet alla félaga í Golfklúbbi Suðurnesja, sem bera hag klúbbsins fyrir brjósti og hafa áhuga á að leggja sitt af mörkum til að tryggja áframhaldandi uppgang hans, að gefa kost á sér til stjórnar- eða nefndarstarfa og tilkynna það formanni uppstillingarnefndar eigi síðar en viku fyrir fund. Fyrir uppstillingarnefndinni fer John Berry og er hægt að senda honum tölvupóst á berry[at]simnet.is eða hafa sambandi við Andreu framkvæmdastjóra á andrea[at]gs.is eða í síma GS, 421-4100.

Tengill á lög Golfklúbbs Suðunesja

Að lokum langar mig að tilkynna ykkur kæru félagar að ég mun ekki gefa kost á mér áfram til stjórnar Golfklúbbs Suðurnesja. Ég hef setið í stjórn GS undanfarin sex ár, þar af fimm sem formaður. Þetta er búið að vera frábært tímabil í lífi mínu, ég hef unnið með mörgu góðu fólki á þessum árum; starfsfólki, stjórnum, nefndum og þeim frábæru sjálfboðaliðum sem klúbburinn hefur á að skipa. Ég hef fengið að kynnast fleiri félögum innan klúbbsins en mig hefði órað fyrir. Ég hef fengið að taka þátt í vexti klúbbsins og fjölmörgum breytingum sem hafa átt sér stað á þessum árum. Ef ég ætti að nefna eitthvað eitt sem stendur upp úr á þessum starfstíma mínum eru þeir fjölmörgu vinir sem ég hef eignast á þessum tíma, marga þeirra tel ég til minna bestu vina í dag.
Þegar ég gaf kost á mér í stjórn GS var búið að vinna mjög gott starf af forverum mínum, ég tók við góðu búi og vona heitt og innilega að störf mín hafi eflt félagið og ég skili næstu stjórn jafngóðu eða jafnvel betra búi en ég tók við. Ég held að framundan sé góður tími í sögu Golfklúbbs Suðurnesja, hann hefur tækifæri til að vaxa enn meira og þroskast. Fjölmargt jákvætt er í deiglunni sem kemur til með að efla GS enn meir í náinni framtíð.

Félagar, takk fyrir samstarfið þessi sex ár og takið jafn vel á móti næsta formanni og tekið var á móti mér. Ég tek þó fram að ég er hvergi hættur afskiptum af Golfklúbbi Suðurnesja heldur verð ég boðinn og búinn að sinna sjálfboðaverkum eftir sem áður.

Áfram GS!
Jóhann Páll Kristbjörnsson
formaður Golfklúbbs Suðurnesja

Æfðu golf í vetur

Sigurpáll Geir Sveinsson og Andrea Ásgrímsdóttir verða með hópaþjálfun í vetur sem hentar öllum kylfingum, byrjendum jafnt sem lengra komnum.


Tilvalið fyrir þá sem vilja halda sér við og vera tilbúnir á völlinn í vor, eins er þetta tilvalið fyrir byrjendur sem vilja vera búnir að ná tökum á grundvallaratriðunum áður en þeir fara á völlinn í vor og geta þá farið að njóta íþróttarinnar fyrr.

Nánari upplýsingar hér

Almennur félagsfundur

Stjórn GS boðar til almenns félagsfundar sunnudaginn 29. september 2019, kl. 15 í golfskálanum í Leiru.


Nú er orðið tímabært að hefja endurnýjun á vélum golfklúbbsins enda margar vélarnar komnar vel til ára sinna. Stjórn GS telur nauðsynlegt að festa kaup á nýrri flatarsláttuvél og er það tilefni fundarins.

Í 13. gr. laga Golfklúbbs Suðurnesja segir m.a.: „Ef um meiriháttar lántöku er að ræða skal fyrst afla samþykkis stjórnar og síðan bera það undir löglega boðaðan félagsfund (sjá 4. gr.).“

Undanfarnar vikur höfum haft til afnota og reynslu eina slíka vél og hefur hún reynst okkur vel. Nú höfum við fengið ágætis verðtilboð í hana, það myndi engu að síður flokkast sem meiriháttar lántaka enda kostar svona vél sitt, stjórnin boðar því til þessa fundar til að gefa félögum færi á segja hug sinn og hafa áhrif á hvort farið verði í þessa fjárfestingu.

Hvetjum alla félagsmenn í GS til að mæta!

F.h. stjórnar,
Jóhann Páll Kristbjörnsson,
formaður

Guðrún Brá bætti vallarmetið í Leirunni

Glæsilegt Ljósanæturmót Hótel Keflavíkur & Diamond Suites fór fram í Leirunni við frábærar aðstæður, alls tóku 115 kylfingar þátt í mótinu og mátti sjá mörg góð skor. Eitt skorkortið bar þó af en Guðrún Brá Björgvinsdóttir, Íslandsmeistari í höggleik úr Keili, gerði sér lítið fyrir og bætti vallarmet kvenna af rauðum teigum (46 kvk) um heil fjögur högg. Fyrra vallarmet áttu þær Heiða Guðnadóttir (GM) og Þórdís Geirsdóttir (GK), 72 högg.

Guðrún Brá lék frábært golf á hringnum, fékk einn skolla og fimm fugla. Til hamingju Guðrún!


Verðlaun í höggleik:

1. sæti – Gisting í standard herbergi fyrir tvo með morgunverði á Hótel Keflavík, þriggja rétta ævintýraferð að hætti Óla á Kef Restaurant.og eins mánaðar líkamsræktarkort í Lífsstíl. – Guðrún Brá Björgvinsdóttir
2. sæti – Gisting á Hótel Örk með morgunverði. – Guðmundur Rúnar Hallgrímsson
3. sæti – Gisting á Hótel Selfoss með morgunverði. – Þórður Ingi Jónsson
4. sæti – Gisting BB Hótel með morgunverði fyrir tvo. – Helgi Snær Björgvinsson
5. sæti – Gisting á Lighthouse með morgunverði. – Örn Ævar Hjartarson
6. sæti – Gisting á Guesthouse Keflavík með morgunverði og tveggja rétta ævintýraferð að hætti Óla fyrir tvo Kef Restaurant. – Björgvin Sigmundsson
7. sæti – Gisting á Stracta Hótel með morgunverði fyrir tvo. – Guðni Vignir Sveinsson

Verðlaun í punktakeppni:

1. sæti – Gisting í standard herbergi fyrir tvo á Hótel Keflavík með morgunverði, þriggja rétta ævintýraferð að hætti Óla á Kef Restaurant. – Róbert Örn Ólafsson
2. sæti – Gisting á Hótel Örk með morgunverði. – Ólafur Ríkharð Róbertsson
3. sæti – Gisting á Hótel Selfoss með morgunverði. – Atli Karl Sigurbjartsson
4. sæti – Gisting BB Hótel með morgunverði fyrir tvo. – Ævar Már Finnsson
5. sæti – Gisting á Lighthouse með morgunverði. Helgi Snær Björgvinsson
6. sæti – Gisting á Guesthouse Keflavík með morgunverði og tveggja rétta ævintýraferð að hætti Óla fyrir tvo á Kef Restaurant. – Bjarni Fannar Bjarnason
7. sæti – Gisting á Stracta Hótel með morgunverði fyrir tvo. – Davíð Hlíðdal Svansson

Næst holu á 3. braut – Bílaþvottur og bón frá Steinabón, 5 tíma ljósakort í Lífsstil. – Svandís Þorsteinsdóttir, 1,85 m
Næst holu á 8. braut – Eins mánaðar líkamsræktarkort og 5 tíma ljósakort í Lífsstíl. – Davíð S, 7,79 m
Næst holu á 13. braut – Eins mánaðar líkamsræktarkort og 5 tíma ljósakort í Lífsstíl. – Óskar Halldórsson, 6,36 m
Næst holu á 16. braut – Tveggja rétta ævintýraferð á Kef Restaurant fyrir tvo og 5 tíma ljósakort í Lífsstíl. – Björgvin Sigmundsson, 1,29 m

Flestar sjöur á skorkorti – Ein klukkustund í golfhermi hjá Golfklúbbnum í Holtagörðum. – Guðrún Þorsteinsdóttir
Flestar áttur á skorkorti – Ein klukkustund í golfhermi hjá Golfklúbbnum í Holtagörðum. Guðbjörg Brynja Guðmundsdóttir

Aukavinningar – dregið úr öllum skorkortum:

Eins mánaðar líkamsræktarkort og fimm tíma ljósakort í Lífsstíl. – Pétur Viðar Júlíusson
Gisting á gistiheimili Kef með morgunverði, tveggja rétta ævintýraferð að hætti Óla á Kef Restaurant. – Þórunn Einarsdóttir
Tveggja rétta óvissuferð á Kef Restaurant. – Þórður Karlsson
Gisting á Hótel Keflavík með morgunverði. – Kristinn Edgar Jóhannsson

Vinningshafar geta vitjað viningana í golfskála GS.

Inngöngutilboð í Golfklúbb Suðurnesja

Misstir þú af golfsumrinu?

Engar áhyggjur – það er nóg eftir!


Golfklúbbur býður kylfingum að ganga í klúbbinn núna og leika frítt út tímabilið.

Þeir sem ganga í Golfklúbb Suðurnesja skuldbinda sig til að greiða árgjald 2020 en verða skráðir félagar undir eins og geta byrjað að spila Leiruna strax.

Áhugasamir hafi samband við skrifstofu með tölvupósti (gs[at]gs.is) eða í síma 421-4100

Íslandsmót unglinga í höggleik

Um helgina fór fram Íslandsmót unglinga í höggleik hjá Golfklúbbi Kópavogs og Garðabæjar (GKG). Golfklúbbur Suðurnesja átti sjö þátttakendur í mótinu sem stóðu allir sig vel og voru klúbbnum til sóma.

Úrslit:

Stelpur 14 ára og yngri:
Fjóla Margrét Viðarsdóttir 3. sæti og 2. sæti á stigalistanum eftir sumarið. Frábær árangur.

Drengir 14 ára og yngri:
Sólon Siguringason 9. sæti
Kári Siguringason 21. sæti

Piltar 17–18 ára:
Logi Sigurðsson 7. sæti

KK 19–21 árs:
Róbert Smári Jónsson 5. sæti
Birkir Orri Viðarsson 9. sæti
Haukur Ingi Júlíusson 11. sæti

Flottur árangur hjá okkar fólki.

Íslandsmót golfklúbba – sveitir eldri kylfinga

Dagana 16.–18. ágúst fara Íslandsmót golfklúbba eldri kylfinga fram. GS karlar leika á heimavelli en GS konur í Öndverðanesi.

Þar sem leikið verður á heimavelli eru félagar hvattir til að fjölmenna á Hólmsvöll og fylgjast með, þá er alltaf nóg að gera fyrir sjálfboðaliða – bara setja sig í samband við Andreu, framkvæmdastjóra, eða John Berry, formann mótanefndar.

Karlasveit GS skipa:

Guðmundur Sigurjónsson, Guðni Vignir Sveinsson, Gunnlaugur Kristinn Unnarsson, Hilmar Björgvinsson, Kristján Björgvinsson, Óskar Halldórsson, Páll Ketilsson, Sigurður Sigurðsson og Þröstur Ástþórsson. Liðsstjóri er Jóhann Páll Kristbjörnsson.

Kvennasveit GS skipa:

Hafdís Ævarsdóttir, Helga Sveinsdóttir, Karitas Sigurvinsdóttir, Magdalena Sirrý Þórisdóttir, Ólafía Sigurbergsdóttir og Þóranna Andrésdóttir. Liðsstjóri er Sigríður Erlingsdóttir.

Sömu liðsstjórar stýrðu liðum GS í Íslandsmóti golfklúbba um síðastliðna helgi en þrátt fyrir það var ákveðið að gefa þeim annað tækifæri.

Góður árangur sveita GS á Íslandsmóti golfklúbba

Um síðustu helgi fór fram Íslandsmót golfklúbba þar sem GS tefldi fram sveitum í efstu deildum karla og kvenna.

Mótið var haldið með nýju sniði þetta árið en það fór fram á tveimur völlum, Urriðavelli (GO) og Leirdal (GKG), og var leikið til skiptis á þessum völlum.

Kvennalið GS

Kvennalið GS stóð sig frábærlega og endaði í fimmta sæti. Liðið hefur sýnt það undanfarin ár að það á fullt erindi í efstu deild, margar af stelpunum eru ungar, efnilegar og eiga mikið inni. GS lið kvenna á bara eftir að bæta sig þegar fram sækir.
Liðið skipaði: Andrea Ásgrímsdóttir, Auður Ásgrímsdóttir, Elínóra Einarsdóttir, Fjóla Margrét Viðarsdóttir, Kinga Korpak, Laufey Jóna Jónsdóttir, Rut Þorsteinsdóttir og Zuzanna Korpak. Liðsstjóri var Sigríður Erlingsdóttir.


Karlalið GS

Karlaliðið byrjaði á erfiðum andstæðingum í þremur fyrstu viðureignunum og tapaði þeim öllum, eftir það voru allir leikir úrslitaleikir um að halda GS í efstu deild. Strákarnir stóðu undir því og unnu tvo síðustu leikina til að enda í sjötta sæti.
Liðið skipaði: Björgvin Sigmundsson, Guðmundur Rúnar Hallgrímsson, Pétur Þór Jaidee, Róbert Smári Jónsson, Rúnar Óli Einarsson, Sigurpáll Geir Sveinsson, Þór Ríkarðsson og Örn Ævar Hjartarson. Liðsstjóri var Jóhann Páll Kristbjörnsson.

Scroll to top