Mánuður: mars 2019

Kylfulengd

Við þurfum stundum að mæla kylfulengd, oftast til að ákveða lausnarsvæðið þegar við látum bolta falla.

Ný skilgreining:

Lengd lengstu kylfunnar sem við höfum í pokanum,
 annarrar en pútters.

Að láta bolta falla

Við eigum að láta
boltann falla úr hnéhæð.
Ekki ofar og ekki neðar.
Ef við ruglumst getum við
leiðrétt, áður en við
sláum boltann.


Þegar við látum bolta falla höfum við alltaf ákveðið lausnarsvæði.


Boltinn verður að lenda innan lausnarsvæðisins. Annars „telur“ tilraunin ekki og við reynum aftur.
Og boltinn verður að stöðvast innan lausnarsvæðisins.
Geri hann það ekki „telur“ tilraunin og við látum boltann falla aftur.
Ef boltinn rúllar út fyrir lausnarsvæðið í annarri tilraun leggjum við boltann þar sem hann lenti í annarri tilraun.
Boltinn má ekki lenda á okkur eða útbúnaði. Þá „telur“ tilraunin ekki.
Í lagi ef boltinn lendir á jörðinni og skoppar svo í okkur eða útbúnað.

Kylfa skemmist

Ef kylfa skemmist við leik megum við almennt ekki skipta um kylfu.
Í staðinn megum við nota kylfuna það sem eftir er hringsins eða láta laga kylfuna (ef það tefur ekki leik).
Eina undantekningin er að við megum skipta um kylfu ef einhver utanaðkomandi veldur því að hún skemmist.

Slysahögg

Við fáum ekki víti þótt við sláum óvart í sjálf okkur eða útbúnað okkar.
Við fáum ekki víti þótt við tvísláum boltann. Teljum eitt högg og leikum boltanum þar sem hann liggur.

Að slá högg

Við megum ekki leggja kylfu eða eitthvað annað niður til að aðstoða okkur að miða.
Bannað, þótt við fjarlægjum hlutinn fyrir höggið.


Kylfuberinn má ekki standa fyrir aftan boltann þegar við byrjum að taka okkur stöðu.
Og ekki heldur á meðan við sláum höggið.

Leitað að bolta

Leitartíminn styttist úr fimm mínútum í þrjár.
Því er enn mikilvægara en áður að leikmenn slái varabolta og taki tímann þegar leit hefst.


Leikmaðurinnfær ekki víti þótt hann hreyfi bolta sinn óvart við eðlilega leit.
Boltinn er lagður á fyrri stað. Ef sá staður er óþekktur er staðurinn 
áætlaður.

Scroll to top