Mánuður: apríl 2019

Virðum lífið og völlinn

Lífið er heldur betur að vakna í Leirunni. Völlurinn er í einstaklega góðu formi og flatirnar óvenju góðar, því er sorglegt að sjá umgengnina um völlinn. Torfusneplar eru illa eða ófrágengnir og boltaför á flötum ótrúlega mörg (þrátt fyrir að flatargafflar hafa verið í boði ókeypis í upphafi þessa tímabils).

Ég við vekja athygli kylfinga á að nú er tjaldurinn byrjaður að verpa og vil ég biðja þá (kylfingana) að taka tillit til þessara íbúa Leirunnar … og ganga betur um völlinn.

Diamond Suites – hjóna- og parakeppni

Flott hjóna- og parakeppni með glæsilegum verðlaunum á Hólmsvelli þann 9. júní, leikfyrirkomulag er betri bolti. Allir keppendur ræstir út á sama tíma kl. 12.00 (Shotgun).

Eftir mótið verður glæsileg verðlaunaafhending og matur (innifalið í mótsgjaldi).

1. sæti: Gisting, Diamond Suites + óvissuferð kokksins fyrir tvo á KEF – að verðmæti 170.000 kr.
2. sæti: Tveggja manna herbergi á Hótel Kef + óvissuferð kokksins fyrir tvo á KEF – að verðmæti 67.900 kr.
3. sæti: Tveggja manna herbergi á Hótel Kef – að verðmæti 47.900 kr.
4. sæti: Óvissuferð kokksins fyrir tvo á KEF Restaurant að verðmæti 20.000 kr.
5. sæti: Hádegiverður fyrir tvo með kaffi á KEF Restaurant að verðmæti 5.000 kr.
6. sæti: Bílastæði á Hótel Kef upp í allt að þrjár vikur.
7. sæti: Bílastæði á Hótel Kef upp í allt að þrjár vikur.


Að auki fá allir keppendur glæsilega teiggjöf, Repair fyrir liði og bein að andvirði 4.000 kr. frá geoSilica


Veitt verða verðlaun fyrir næst holu á öllum par 3 holunum í boði Toyota Reykjanesbæ. Einnig verða veitt verðlaun fyrir næst holu í öðru höggi á 9. holu og fyrir lengsta teighögg karla og kvenna á 6. holu í boði Golfbúðar Hafnarfjarðar.

Dregið verður úr skorkortum þar sem í verðlaun verða gjafabréf frá Kóda, Gallerí, Awarego, Langbest og Sápan.is

Skráning á golf.is

Opna sumarmót GS – úrslit

Það voru 148 kylfingar sem tóku þátt í Opna sumarmóti GS í dag. Það blés svolítið duglega í Leirunni fyrri hluta dags (enda sumardagurinn fyrsti) en svo var komið hæglætis veður seinni partinn. Hólmsvöllur er í frábæru standi núna í apríl og mega GSingar hlakka til sumarsins.


Úrslit voru eftirfarandi:
1. sæti: NoccoErOfmetið (Daníel Ísak Steinarsson og Bjarki Steinn l. Jónatansson úr Keili) á 61 höggi nettó og 47 punktum.
Þeir vinna gjafabréf frá Bláa lóninu fyrir tvo.
2. sæti: Dumb and Dumber (Róbert Smári Jónsson og Haukur Ingi Júlíusson úr GS) á 63 höggum nettó og 45 punktum (betri á seinni níu).
Þeir vinna sitt hvora töskuna með möskum frá Bláa lóninu og tvær körfur frá Nóa Síríus.
3. sæti: Tígri (Steinar Snær Sævarsson úr NK og Örn Bergmann Úlfarsson) á 63 höggum og 45 punktum.
Þeir vinna sitt hvora töskuna með möskum frá Bláa lóninu.

Næstur holu á 3. braut: Örvar Sigurðsson og fær hann tösku með möskum frá Bláa lóninu.
Næstur holu á 16. braut: Sigurður Sigurðsson og fær hann tösku með möskum frá Bláa lóninu.


Þótt veðurfræðingar hafi lofað svolítið upp í ermina á sér þá voru kylfingar almennt ánægðir með daginn.

Mótsnefnd þakkar styrktaraðilum mótsins og keppendum fyrir daginn.

Nýliðavika hjá Golfklúbbi Suðurnesja

Viltu kynna þér golf og fá að prófa?

Þann 13. maí hefst nýliðavika hjá Golfklúbbi Suðurnesja. Sigurpáll Geir Sveinsson, PGA-golfkennari og íþróttastjóri Golfklúbbs Suðurnesja, mun kynna golfíþróttina fyrir áhugasömum ásamt því að fara yfir grunnatriði. Námskeiðið miðar að þeim sem langar að prófa golf eða eru að stíga sín fyrstu skref í íþróttinni. Miðað er við nýliða og þá sem hafa ekki náð 35 í forgjöf.

Mánudagur 13. maí: Kynning og kennsla
Þriðjudagur 14. maí: Kynning og kennsla
Fimmtudagur 16. maí: Farið á völlinn og spilað

Í boði eru tvær tímasetningar þessa daga:
19:00–20:00
20:00–21:00

Námskeiðið er frítt fyrir meðlimi Golfklúbbs Suðurnesja en aðrir greiða 5.000 kr.
Fyrir þá sem síðan ganga í golfklúbbinn á árinu fæst gjaldið endurgreitt.

Áhugasamir vinsamlegast skrái sig hér.

Eða sendi tölvupóst á gs@gs.is

Takmarkað sætaframboð og fyrstir koma, fyrstir fá!

Búið að opna fyrir umferð golfbíla

Frá og með deginum í dag, 22. apríl, eru golfbílar leyfðir í Leirunni.

Kylfingar á golfbílum eru beðnir að láta skynsemina ráða og hlífa viðkvæmur svæðum.
Vallarnefnd fylgist stöðugt með ástandi vallarins og gæti lokað tímabundið fyrir umferð bíla – svo fylgist með.

Vormóti GS aflýst

Vegna óhagstæðrar veðurspár hfur mótanefnd GS blásið af vormótið sem halda átti á morgun 20.apríl.

Næsta mót Golfklúbbs Suðurnesja er Texas Scramble á sumardaginn fyrsta.

Nýjar golf- og staðarreglur

Í kvöld kl. 20 verður farið yfir helstu breytingar á golfreglunum í golfskálanum í Leiru. Þá verða nýjar og uppfærðar staðarreglur Hólmsvallar einnig skoðaðar með tilliti til breytinga á golfreglunum.

GSingar, ekki missa af þessu það er stutt í sumarið!

Scroll to top