Flokkur: Afreksstarf

Æfingaferð GS til Valle del Este

Það eru örfá sæti laus fyrir félaga í GS í æfingaferð klúbbsins til Valle del Este á Spáni 22.–29.apríl nk.

Félagar hafa aðeins örfáa daga til að festa sér sæti – fyrstir koma fyrstir fá.

Verð á mann:
Tvíbýli kr. 179.900,-
Einbýli kr. 189.900,-

Innifalið:
Flug m. flugvallasköttum og flutningur golfsetts (hámark 15 kg)
Akstur milli flugavallar og hótels
Gisting m. fullu fæði í herbergjum með garðsýn*
Ótakmarkað golf með golfbíl alla daga (háð brottfarar- og komutíma)**
Fararstjórn

*Fullt fæði er morgun- og kvöldverðarhlaðborð á hótelinu og hádegisverður er í klúbbshúsinu skv. matseðli sem er m.a. hamborgari, spaghetti, salat og Paella.
**Ótakmarkað golf: Gestir geta leikið ótakmarkað golf sér að kostnaðarlausu alla spiladagana, eingöngu EF rástímar eru lausir. Viðbótargolf við 18 holur á dag er ekki hægt að panta fyrirfram og er háð umferð á vellinum.
GS-ingar bóka sig á eftirfarandi tengli og númer hópsins er 3009:
Bóka hér

Skötuveisla í Leirunni

Á Þorláksmessu (sem vill svo skemmtilega til að hittir á 23. desember í ár) verður skötuveisla í Leirunni á milli kl. 11 og 14.

Á matseðlinum verður kæst skata og saltfiskur með viðeigandi meðlæti. Skötuveislan er til styrktar unglingum og afreksfólki í GS sem söfnum upp í æfingaferð Golfklúbbsins til Spánar næsta vor.

Verð aðeins 3.500 kr. á mann

Borðapantanir skulu sendar á gs[at]gs.is eða í síma 846-0666

Sigurpáll Geir Sveinsson ráðinn íþróttastjóri GS

Stjórn GS hefur samið við Sigurpál Geir Sveinsson um starf íþróttastjóra Golfklúbbs Suðurnesja. Sigurpáll mun hefja störf á næstunni og frá og með mánaðarmótum janúar/febrúar vera kominn í fullt starf hjá Golfklúbbnum.

Með ráðningu Sigurpáls, eða Sigga Palla eins og flestir þekkja hann, er horft til framtíðar með metnaðarfullum augum. Við sjáum fyrir okkur að efla afreksstarfið til muna sem og þjónustu við hinn almenna kylfing í klúbbnum.

Sigurpáll er menntaður PGA-kennari og hefur lengi verið áberandi í golfheiminum, bæði sem keppandi og golfkennari. Hann er þrefaldur Íslandsmeistari og var einn af okkar fremstu kylfingum um árabil. Sigurpáll hefur unnið sem golfkennari í 10 ár og náð góðum árangri með börn, unglinga, afreksfólk og ekki síst hinn almenna kylfing.

Við bjóðum Sigga Palla velkominn til starfa og blásum til sóknar.

Fyrir hönd stjórnar GS,
Jóhann Páll Kristbjörnsson
formaður


Ljósmynd: Frá undirritun samningsins: Jóhann Páll formaður, Sigurpáll íþróttastjóri og Guðmundur Rúnar varaformaður.

Karen hætt sem íþróttastjóri GS

Golfklúbbur Suðurnesja og Karen Sævarsdóttir hafa komist að samkomulagi um starfslok hennar sem íþróttastjóri GS. Karen hefur skilað góðu starfi fyrir GS undanfarin þrjú ár. Stjórnin þakkar Karen fyrir vel unnin störf og óskar henni velfarnaðar í því sem hún tekur sér fyrir hendur.


Vinna er hafin við að finna eftirmann Karenar og munum við flytja félögum fréttir af því þegar þau mál skýrast.

Fyrir hönd stjórnar,
Jóhann Páll Kristbjörnsson
formaður

Frábær árangur í Íslandsbanka- og Áskorendamótaröðunum um helgina

Alls voru 10 keppendur frá Golfklúbbi Suðurnesja að keppa í GSÍ-mótunum um helgina, þrjú kepptu á Íslandsbankamótinu á Hellu og sjö á Áskorendamótinu á Selfossi. Sjö GS-ingar komust á verðlaunapall.

´
Í Íslandsbankamótinu lauk Zuzanna Korpak leik í þriðja sæti í aldursflokki 17-18 ára kvk., Logi Sigurðsson endaði í 28. sæti í flokki 15-16 ára kk, hins vegar stóð Kinga Korpak uppi sem afgerandi sigurvegari í aldursflokki 14 ára og yngri kvk. Hún lauk leik 20 höggum betri en sú sem lenti í öðru sæti.
Í Áskorendamótinu áttum við sjö keppendur: Erna Rós Agnarsdóttir lenti í 2. sæti í flokki 15-18 ára kvk, Lovísa Björk Davíðsdóttir lenti í 4. sæti 14 ára og yngri kvk, Sören Cole K. Heiðarsson lenti í þriðja sæti pilta 12 ára og yngri, Snorri Rafn Willliam Davíðsson lenti í öðru sæti pilta 10 ára og yngri, Fjóla Margrét Viðarsdóttir lenti í öðru sæti og Ylfa Vár Jóhannsdóttir lenti í fjórða sæti stúlkna 10 ára og yngri og að lokum sigraði Auðunn Fannar Hafþórsson flokk pilta 14 ára og yngri.

Vel gert krakkar!

Tölurnar í happdrætti Golfklúbbs Suðurnesja

Búið er að draga í happdrætti Golfklúbbs Suðurnesja sem var efnt til að styrkja æfingaferð unginga- og afrekshóp GS fyrr í mánuðinum.

230 – 1. vinningur
389 – 2. vinningur
190 – 3. vinningur
42 – 4. vinningur
385 – 5. vinningur
272 – 6. vinningur
6 – 7. vinningur
431 – 8. vinningur
113 – 9. vinningur
177 – 10. vinningur
415 – 11. vinningur
409 – 12. vinningur
43 – 13. vinningur
108 – 14. vinningur
115 – 15. vinningur
318 – 16. vinningur
337 – 17. vinningur
208 – 18. vinningur
369 – 19. vinningur
103 – 20. vinningur
163 – 21. vinningur
368 – 22. vinningur
405 – 23. vinningur
393 – 24. vinningur
122 – 25. vinningur
283 – 26. vinningur
392 – 27. vinningur
302 – 28. vinningur
261 – 29. vinningur
322 – 30. vinningur
478 – 31. vinningur
154 – 32. vinningur
423 – 33. vinningur
114 – 34. vinningur
299 – 35. vinningur
292 – 36. vinningur
226 – 37. vinningur

Við óskum vinningshöfum til hamingju og þökkum fyrir veittan stuðning, vinninga má vitja í golfskálanum.

Frábær æfingaferð til Morgado

Fyrstu vikuna í apríl fór Golfklúbbur Suðurnesja í vel heppnaða æfingaferð til Morgado í Portúgal. Alls fóru 12 iðkendur og þeim fylgdi stór hópur GSinga sem skemmti sér við kjöraðstæður á golfvöllunum.

Alla daga var æft í u.þ.b. þrjá tíma fyrir hádegi, síðan var farið í hádegismat og eftir það léku krakkarnir 9 eða 18 holur eftir getu … en þau allra yngstu gátu líka valið að fara í sund. Veðrið var frá 14°C á morgnana og fór í 25°C um miðjan daginn, engum þótti leiðinlegt að leika sér í golfi við þær aðstæður.
Á meðan krakkarnir æfðu gátu aðrir GSingar leikið golf á tveimur stórskemmtilegum 18 holu golfvöllum sem eru þarna, Morgado og Alamos. Fólk lék frá 18 til 36 holur á dag og svo fóru allir í sameiginlegan kvöldverð í klúbbhúsinu sem var með gott útsýni yfir völlinn.

„Ég er mjög stolt af þeim, þvílík framför sem margir eru að sýna. Mikill metnaður og framtíðin er svo sannarlega björt,“ sagði Karen um krakkana eftir ferðina.

Og það er strax farið að undirbúa ferð að ári.


Hér að ofan má sjá svipmyndir af krökkunum við æfingar

Happdrætti Golfklúbbs Suðurnesja 2017: Dregið eftir páska

Af óviðráðanlegum orsökum verður því miður ekki hægt að draga í happdrætti Golfklúbbsins fyrr en eftir páska.

Um leið og búið er að draga verða vinningsnúmerin birt hér á síðunni gs.is. Við biðjumst velvirðingar og vonum að fólk sýni þessu skilning.

Við þökkum þeim sem keyptu miða og gerðu krökkunum með því móti kleyft að fara í frábæra æfingaferð til Portúgal, hafið það gott yfir páskana.

Þrír GSingar í afrekshópum GSÍ 2017

Jussi Pitkanen, afreksstjóri og landsliðsþjálfari Golfsambands Íslands, hefur valið þá kylfinga sem skipa munu afrekshópa GSÍ á árinu 2017. GS á þrjá kylfinga í afrekshópunum þetta árið, þær Karen Guðnadóttur, Zuzönnu Korpak og Kingu Korpak.

Það þarf ekki að fjölyrða um hæfileika og dugnað þeirra þriggja, né hve stolt við erum af þeim. GS óskar Kareni, Zúzzu og Kingu til hamingjum með árangurinn og við hlökkum til keppnistímabilsins 2017.


Nánar á golf.is
Scroll to top