Flokkur: Mótamál

Kvennamót BIO EFFECT

Sunnudaginn 3. júní n.k. fer fram Opna BIOEFFECT kvennamótið á Hólmsvelli í Leiru. Veitt verða verðlaun fyrir sex efstu sætin í punktakeppni og efsta sætið í höggleik án forgjafar. Einnig verða veitt nándarverðlaun á tveimur par-3 brautum og lengsta drive. Dregið verður úr skorkortum í mótslok.

Allir þátttakendur í mótinu fá teiggjöf frá BIOEFFECT.
Ræst verður út af öllum teigum kl. 11:00 og er mæting eigi síðar en kl: 10:30. Veitingar verða í boði fyrir og eftir mót.
Skráning í mótið fer fram á golf.is og verð í mótið er kr: 5.500.-
Vinningarnir eru glæsilegir í boði BIOEFFECT.
1.sæti án forgjafar: BIOEFFECT Lúxus gjafasett
1.sæti með forgjöf: BIOEFFECT Lúxus gjafasett
2.-6. sæti með forgjöf: BIOEFFECT gjafasett
Nándarverðlaunin eru á tveimur par 3 brautum vallarins.

8. hola BIOEFFECT húðvara

16. hola BIOEFFECT húðvara

Lengsta teighögg: BIOEFFECT húðvara
Dregið verður úr skorkortum í lok mótsins. 

Hámarksþátttaka er 92 konur.

www.bioeffect.com
www.facebook.com/BIOEFFECT

Breytt fyrirkomulag í innanfélagsmótum GS

Stjórn Golfklúbbs Suðurnesja hefur ákveðið að reyna nýtt fyrirkomulag í Þ-mótaröðinni 2018. Í öllum Þ-mótunum verður notast við „Ready Golf“, þ.e. sá kylfingur sem er tilbúinn slær án tillits til hver sé lengst frá holu eðahver „eigi teiginn“. Það er von okkar að með þessu fyrirkomulagi megi flýta leik talsvert. Þá eru allir kylfingar hvattir til að leika „Ready Golf“ þegar Leiran er spiluð í sumar.

Með golfkveðju,
Jóhann Páll Kristbjörnsson
formaður Golfklúbbs Suðurnesja

Bændaglíma 2017

Bændaglíman í ár verður haldin fimmtudaginn 5. október. Leiknar verða tólf holur (1.-11. og 16.) og fyrirkomulagið er holukeppni með forgjöf.

Þar sem veðurspá er hagstæð fyrir fimmtudaginn bregðum við út af vananum og höldum bændaglímuna á fimmtudegi í ár.

Að leik loknum verða veitingar í skálanum. Mæting eigi síðar en kl. 16.00 þar sem bændur velja í lið áður en haldið er út á völl.

Tapliðið þjónar sigurvegurum til borðs.

Skráning fer fram á golf.is

Langbest-mótið: Lokamót Þ-mótaraðarinnar á sunnudaginn

Á sunnudaginn verður loka Þ-mót ársins haldið í Leirunni (allir ræstir út samtímis kl. 10.30). Að vanda er Langbest styrktaraðili mótsins, verðlaun eru í boði Langbest sem býður uppá pizzaveisla fyrir þátttakendur í lok móts.

Veðurspá er ágæt fyrir sunnudaginn og opið er fyrir skráningu á golf.is

Heildarstaðan eftir 13 Þ-mót

Óskar Halldórs varði titilinn

Á miðvikudaginn fór fram úrslitaviðureignin í Bikarkeppni GS 2017. Þar mættust bræðurnir Óskar og Þorgeir Ver Halldórssynir. Leikar fóru þannig að Óskar stóð uppi sem sigurvegari (2/1) og varði þannig titilinn Bikarmeistari GS annað árið í röð.

Til hamingju Óskar!

Úrslit úr Ljósanæturmóti Hótel Keflavík & Diamond Suites

Ljósanæturmót Hótel Keflavík & Diamond Suites var haldið í gær á Hólmsvelli við fínustu aðstæður … enda léku margir kylfingar flott golf.

Úrslit:

Höggleikur án forgjafar:
1. sæti Arnar Freyr Jónsson, GN, 72 högg
2. sæti Helgi Runólfsson, GK, 72 högg
3. sæti Brynjar Bjarkaso, GR, 72 högg
4. sæti Guðmundur Rúnar Hallgrímsson, GS, 72 högg
5. sæti Björgvin Sigmundsson, GS, 73 högg
7. sæti Jón Jóhannsson, GS, 75 högg
50. Þorsteinn Guðmundsson, GKG, 96 högg
77. Ingibjörg Magnúsdóttir, GS, 114 högg

Punktar með forgjöf:
1. sæti Brynjar Bjarkason, GR, 42 punktar
2. sæti Sighvatur Ingi Gunnarsson, GS, 41 punktur
3. sæti Gunnlaugur Atli Kristinsson,GV, 39 punktar
4. sæti Kristján Valtýr K Hjelm, G, 39 punktar
5. sæti Arnar Freyr Jónsson, GN, 38 punktar
7. sæti Magnús Kristinn Sigurðsson, GKG, 38 punktar
50. sæti Ingvi Jón Gunnarsson, GM, 29 punktar
77. sæti Þorvaldur Finnsson, GS, 24 punktar

Aukaverðlaun:
Næstur holu á 3. braut: Þröstur Ástþórsson, 87 cm
Næstur holu á 8. braut: Kristinn Þór Guðbjartsson, 3,1 m
Næstur holu á 13. braut: Gunnlaugur Kristinn Unnarson, 5,88 m
Næst holu á 16. braut: Melkorka Matthíasdóttir, 89 cm
Flestar sjöur á skorkorti: Árni Jóhann Oddsson (8 sjöur)
Flestar áttur á skorkorti: Anna Marta Valtýsdóttir (4 áttur)
Best klæddi karlkylfingurinn: Siguringi Sigurjónsson
Best klæddi kvenkylfingurinn: Sigurrós Hrólfsdóttir

Golfklúbbur Suðurnesja þakkar Hótel Keflavík (kef.is) fyrir glæsilegt mót og kylfingum fyrir þátttökuna.

Draumaúrslitaleikur framundan í Bikarkeppni GS

Nú er orðið ljóst hverjir mætast í úrslitaleik Bikarkeppninnar. Eftir undanúrslit er ljóst að bræður munu berjast um titilinn Bikarmeistari GS 2017.

Óskar Halldórsson lagði Guðlaug Grétarsson í undanúrslitum og Þorgeir Ver Halldórsson lagði Jóhann Pál Kristbjörnsson. Því munu þeir bræður eigast við í úrslitaleiknum.

Bikarkeppni GS – undanúrslit

Það er komið að undanúrslitum í Bikarkeppni GS 2017. EFtirfarandi eigast við:

Þorgeir Ver Halldórsson – Jóhann Páll Kristbjörnsson
Óskar Halldórsson – Guðlaugur Grétarsson

Ofangreindum viðureignum skal lokið eigi síðar en miðvikudaginn 30. ágúst.
Scroll to top