Flokkur: GSÍ-mót

Sveit eldri kylfinga GS

Sveit eldri kylfinga GS tók þátt í Íslandsmóti golfklúbba í fyrstu deild um miðjan ágúst.

Leikið var í Grindavík og stóð sveitin sig afbragðs vel og endaði í fimmta sæti, með því tryggði hún sér áframhaldandi veru í efstu deild – þar sem hún á heima!

Sveitina skipuðu eftirtaldi kylfingar:

Óskar Halldórsson
Guðni Vignir Sveinsson
Páll Hilmar Ketilsson
Hilmar Th. Björgvinsson
Snæbjörn Guðni Valtýsson
Sigurþór Sævarsson
Þorgeir Ver Halldórsson
Kristján Björgvinsson
Guðni Sigurðsson, liðsstjóri


Því miður misfórst að færa þessa frétt inn á sínum tíma og bið ég „strákana“ innilega afsökunar á því,
Jóhann Páll, formaður

GS sigurvegari í 2. deild

Karlasveit Golfklúbbs Suðurnesja var rétt í þessu að tryggja sér sæti í efstu deild að ári. GS lék til úrslita gegn Golfklúbbi Vestmannaeyja og hafði betur 4/1.

Leikurinn var jafn og spennandi og úrslit réðust ekki fyrr en á 19. holu þegar klúbbmeistarinn, Guðmundur Rúnar Hallgrímsson, setti niður þriggja metra fuglapútt og tryggði GS þriðja stigið og sigur. Frábær árangur hjá strákunum sem unnu sig upp úr þriðju deild í fyrra.
Í Hafnarfirði lék kvennasveit G um fimmta sætið gegn Golfklúbbnum Oddi, skemmst er frá því að segja að okkar stelpur unnu sannfærandi 5/0 sigur.

Til hamingju GS! Báðar sveitir eru nú komnar í efstu deild þar sem þær eiga heima.

Sveitirnar standa sig vel

Nú er bara síðasti dagurinn eftir í Íslandsmóti golfklúbba og sveitirnar okkar hafa staðið sig með miklum ágætum. Ljóst er að stelpurnar halda sæti sínu í fyrstu deild og leika í fyrramálið við Golfklúbbinn Odd um fimmta sætið. Strákarnir leika um sigur í annari deild gegn Golfklúbbi Vestmannaeyja, aðeins sigurvegarinn kemst upp í efstu deild.

Strákarnir leika á heimavelli og hefja leik kl. 8.42.
Stelpurnar leika á Hvaleyrarvelli og hefja leik kl. 8.00.

GS-ingar, endilega látið sjá ykkur og hvetjið sveitirnar okkar áfram!
Áfram GS!

Sveitir GS í Íslandsmóti golfklúbba

Framundan eru Íslandsmót golfklúbba sem fara fram næstu tvær helgar. Golfklúbbur Suðurnesja teflir fram fjórum sveitum, þær eru:

Sveit GS 1. deild kvenna
Hvaleyrarvöllur (GK) 10.–12. ágúst

Zuzanna Korpak
Kinga Korpak
Auður Ásgrímsdóttir
Andrea Ásgrímsdóttir
Laufey Jóna Jónsdóttir
Fjóla Viðarsdóttir
Rut Þorsteinsdóttir
Rakel Guðnadóttir
Liðstjóri: Auður Ásgrímsdóttir

Sveit GS 2. deild karla
Hólmsvöllur í Leiru (GS) 10.–12. ágúst

Guðmundur R Hallgrímsson
Björgvin Sigmundsson
Kristinn Óskarsson
Sigurpáll Geir Sveinsson
Sveinn Andri Sigurpálsson
Birkir Orri Viðarsson
Róbert Smári Jónsson
Logi Sigurðsson
Liðstjóri: Guðni Sigurðsson

Sveit GS öldunga karla
Húsatóftavöllur (GG) 17.–19. ágúst

Snæbjörn Guðni Valtýsson
Þorgeir Ver Halldórsson
Guðni Vignir Sveinsson
Óskar Halldórsson
Sigurþór Sævarsson
Páll Ketilsson
Guðmundur Sigurjónsson
Hilmar Björgvinsson
Liðstóri: Guðni Sigurðsson

Sveit GS 18 ára og yngri
Vestmannaeyjavöllur (GV) 17.–19. ágúst

Sveinn Andri Sigurpálsson
Logi Sigurðsson
Birkir Orri Viðarsson
Auðunn Hafþórsson
Zuzanna Korpak
Kinga Korpak
Liðstjóri: Sigurpáll Geir Sveinsson

Tvö glæsileg Íslandsmót að baki

Síðustu tvær helgar hefur Golfklúbbur Suðurnesja verið gestgjafi tveggja glæsilegra GSÍ-móta, fyrst var það Íslandsmót unglinga í höggleik og nú síðast Íslandsmótið í holukeppni. Bæði mót heppnuðust ágætlega, sér í lagi Íslandsmótið í holukeppni sem fram fór við frábærar aðstæður í Leirunni nú um helgina, veðrið lék kylfinga hins vegar grátt fyrri helgina þegar unglingarnir voru að keppa.

Að baki svona móti liggur mikil vinna, undirbúningur vallarstarfsmanna við að gera Hólmsvöll jafn góðan og raun ver vitni er mikil og þátttaka sjálfboðaliða (sem margir eyddu megninu af sínum vökutíma til að aðstoða) var vel metin. Hæst ber að nefna félaga eins og Snæbjörn Guðna Valtýsson, Sigríði Erlingsdóttur, Jón B. Guðnason, Jón Jóhannsson, Valdimar Birgisson, Svein Björnsson og Nóa Sebastían Gunnarsson, þetta fólk og fleiri félagar gera það mögulegt að halda svona mót og þökkum við þeim kærlega fyrir þeirra framlag – sama á við um starfsfólk GS sem stóð langar vaktir í mótunum.

Ljósmynd: Kylfingur.is/pket


Þó ber skugga á þetta mótahald – það er umgengnin í mótunum og aðdraganda þeirra. Kylfingar sem tóku þátt í þessum Íslandsmótum, áhorfendur og aðrir sem að þeim komu voru allir sammála um að ástand Hólmsvallar væri til fyrirmyndar. Að baki því liggur mikil vinna hjá vallarstjóra og starfsmönnum klúbbsins, því þykir mér dapurlegt að sjá til margra af þessum frábæru kylfingum og hvernig þeir umgangast golfvöllinn og klúbbhúsið. Það er nefnilega eins og margir af þessum bestu og/eða efnilegustu kylfingum landsins (sem eru fyrirmyndir yngri og upprennandi kylfinga) séu yfir það hafnir að leggja torfusnepla í kylfuför, setja sand í kylfuför á teigum eða gera við boltaför á flötum. Áberandi þótti mér hve margir voru að dröslast með kerrurnar sínar uppá teiga, nú veit ég ekki hvort það sé til siðs í þeirra klúbbum en það hefur aldrei tíðkast í Leirunni. Sama á við um klúbbhúsið, þegar maður er búinn með pulsuna er ekki venjan að krumpa bréfið bara saman og henda því á borðið til að auka álagið á starfsfólk veitingasölunnar (þetta var áberandi í unglingamótinu). Ég held að við sem stöndum að golfi á Íslandi ættum að einbeita okkur að því að innræta keppnisfólkinu okkar betri siði. Kannski þurfum við að líta í eigin barm, erum við að sýna þessa framkomu sjálf á golfvellinum? Lögum við boltaför eða rökum glompur? Kylfingar! Tökum höndum saman og bætum umgengnina á golfvöllum landsins, það er svo svekkjandi fyrir þá sem á eftir koma að lenda t.d. í djúpu skófari í glompunni – við þekkjum það flest sjálf. Auðvitað á ofangreint ekki við um nándar nærri alla keppendur – en of marga.

Ég vil að lokum þakka öllum sem tóku þátt í Íslandsmótunum í Leiru 2018 fyrir skemmtileg mót og óska nýkrýndum Íslandsmeisturum og klúbbum þeirra til hamingju með árangurinn.

Með golfkveðju,
Jóhann Páll Kristbjörnsson
formaður Golfklúbbs Suðurnesja

Góður árangur GS-inga um helgina

Um helgina léku nokkrir GS-ingar í lokamóti Eimskipsmótaraðarinnar þetta keppnisárið. Karen Guðnadóttir lék best allra í kvennaflokki og stóð uppi sem sigurvegari í öðru mótinu í röð.

Leikið var í Grafarholtinu og átti GS þrjá aðra keppendur, þau eru Laufey Jóna Jónsdóttir (9. sæti), Kinga Korpak (11. sæti) og Guðmundur Rúnar Hallgrímsson (13. sæti).
Á Sandgerðisvelli fór fram Íslandsmót golfklúbba í flokki eldri kylfinga karla. GS tefldi fram sterkri sveit og sigraði sinn riðil. Karlarnir léku til úrslita gegn Keili og var um hörku viðureign að ræða þar sem Keilismenn stóðu uppi sem sigurvegarar í 2. deild. GS lenti í öðru sæti og leikur í efstu deild að ári.

Góður árangur GS í Íslandsmóti golfklúbba

Íslandsmót golfklúbba fór fram nú um helgina, stelpurnar léku í fyrstu deild og strákarnir í þeirri þriðju.

Á Akranesi fór fyrsta deild kvenna fram. Stelpurnar okkar stóðu sig veg og léku um þriðja sæti á móti GKG sem vann, GS lenti því í fjórða sæti sem er frábær árangur.
Í Vogunum var þriðja deild karla leikin. Strákarnir léku til úrslita í deildinni gegn Golfklúbbnum Oddi sem stóð uppi sem sigurvegari. GS endaði í öðru sæti og leikur í annari deild að ári.

Góður árangur hjá sveitunum okkar og markmiðum helgarinnar náð.

Staða GS í Íslandsmóti golfklúbba

Nú eru sveitirnar okkar búnar að ljúka leik í riðlakeppnunum.

Kvennasveit GS leikur í fyrstu deild og hafnaði í öðru sæti í sínum riðli á eftir Golfklúbbir Reykjavíkur. Stelpurnar gerðu jafntefli við GM, töpuðu 3-2 fyrir GR og unnu GO 5-0. Þær leika gegn Keili eftir hádegi í dag.


Karlasveitin leikur í þriðju deild og endaði sömuleiðis í öðru sæti síns riðils, næstir á eftir Oddi. Strákarnir töpuðu fyrir GO 2-1, unnu GSS 2-1 og GVS 2,5-0,5. Þeir leika gegn Golfklúbbi Húsavíkur eftir hádegi.

Stelpurnar eru að leika á Akranesi og strákarnir í Vogunum.
Áfram GS!

Öldungasveit GS 2017

Íslandsmót golfklúbba eldri kylfinga fer fram helgina 18.–20. ágúst. Golfklúbbur Suðurnesja teflir fram sveit í 2. deild og leikur hjá grönnum okkar í Sandgerði.

Sveit GS skipa:

Elías Kristjánsson, Guðni Vignir Sveinsson, Óskar Halldórsson, Páll Ketilsson, Sigurður Sigurðsson, Snæbjörn Guðni Valtýsson, Þorgeir Ver Halldórsson og Þorsteinn Geirharðsson. Liðsstjóri: Jóhann Páll Kristbjörnsson.

Sveitir GS 2017

Íslandsmót golfklúbba fer fram helgina 11. til 13. ágúst, GS teflir fram liðum í efstu deild kvenna og þriðju deild karla.

Kvennasveit GS leikur í 1. deildinni á Garðavelli á Akranesi

Gerða Hammer
Heiður Björk Friðbjörnsdóttir
Karen Guðnadóttir
Karen Sævarsdóttir
Kinga Korpak
Laufey Jóna Jónsdóttir
Zúzanna Korpak

Liðsstjórar: Karen Sævarsdóttir og Jón B. Guðnason

Karlasveit GS leikur í 3. deildinni á Kálfatjarnavelli í Vogum

Björgvin Sigmundsson
Geirmundur Ingi Eiríksson
Guðmundur Rúnar Hallgrímsson
Guðni Sveinsson
Róbert Smári Jónsson

Liðsstjóri: Guðni Sigurðsson

Scroll to top