Flokkur: Meistaramót GS

Klúbbmeistarar Golfklúbbs Suðurnesja 2019

Að loknu frábæru Meistaramóti er ljóst að tvö ný nöfn komast á töfluna í þetta skiptið. Í karlaflokki stóð Björgvin Sigmundsson uppi sem sigurvegari og í kvennaflokki sigraði Kinga Korpak.

Í meistaraflokki kvenna lenti Zuzanna Korpak í öðru sæti og á eftir henni hin bráðefnilega Fjóla Margrét Viðarsdóttir. Í karlaflokki þurfti þriggja manna umspil um 2.–4. sætið. Sigurpáll Geir Sveinsson landaði öðru sæti og Guðmundur Rúnar Hallgrímsson því þriðja, það varð hlutskipti Róberts Smára Jónssonar að enda í fjórða sæti.
Mótið heppnaðist frábærlega í alla staði og þátttaka var mun meiri en undanfarin ár, alls 131 þátttakendur. Fjölmenni var og góð stemmning á lokahófinu sem fram fór í golfskálanum í Leiru um kvöldið.

Verðlaunahafar 2019

Nýliðaflokkur í fyrsta sinn

Sérstök ánægja var með nýjan flokk í Meistaramóti en í fyrsta sinn var boðið upp á nýliðaflokk sem lék 3×9 holu punktakeppni undir handleiðslu reyndra kylfinga sem aðstoðuðu út á velli.

Nýliðaflokkur. Rakel S. Steinþórsdóttir, Kristina Elisabet Andrésdóttir og Arnar Ingólfsson.


Kristina Elisabet Andrésdóttir sigraði flokkinn, Rakel S Steinþórsdóttir lenti í öðru sæti og Arnar Ingólfsson í því þriðja.

Fjögurra manna umspil

Efstu menn í öðrum flokki karla. Sigurður Vignir Guðmundsson , Aron Ingi Valtýsson og Sveinn Björnsson.


Keppni var sérstaklega hörð í öðrum flokki karla en þar luku fjórir leik efstir og jafnir; Jóhann Páll Kristbjörnsson, Sveinn Björnsson, Sigurður Vignir Guðmundsson og Aron Ingi Valtýsson. Því þurfti að fara í fjögurra manna umspil og þar var ljóst að Jóhann endaðir í fjórða sæti og Sveinn í því þriðja. Baráttan um sigur í flokknum réðist þó ekki fyrr en loknu þriggja holu umspili og átta holu bráðabana en á elleftu holu þurfti Sigurður Vignir að lúta í gras fyrir Aroni Inga, báðir léku þeir frábært golf í bráðabananum.

Klúbbmeistararnir

Kinga Korpak þakkar fyrir sig í verðlaunaafhendingunni.


Björgvin Sigmundsson hélt smá tölu í lokahófinu.

Hola í höggi á fyrsta degi Meistaramóts

Það dró heldur betur til tíðinda á Bergvíkinni á fyrsta degi Meistaramóts. Einhver töf var á leik og Eysteinn Marvinsson, sem leikur í fjórða flokki, ákvað að vera bara snöggur með holuna – hola í höggi!

Eysteinn lék glimrandi gott golf á hringnum (40 punktar) og vermir þriðja sæti í sínum flokki. Vitni að högginu og með Eysteini í holli voru þeir Ólafur Birgisson, Jóhann Páll Kristbjörnsson og Snæbjörn Guðni Valtýsson.

Núverandi stöðu má sjá á golf.is

Lokahóf Meistaramóts

Þátttakendur í Meistaramóti þurfa að skrá sig í lokahófið hjá Issa og Hjördísi í síðasta lagi fyrir hádegi á föstudag, endilega skrá sig sem fyrst til að auðvelda þeim undirbúningin. Verð fyrir gesti er 3.500 kr.

Matseðill lokahófs

Kjöttvenna; kalkúnabringur og lambalæri
Bearnaise og sveppasósa
Gratíneraðar kartöflur og fleira meðlæti

Verðlaunaafhending og gleði fram á nótt.

Nándarverðlaun í Meistaramóti

Á öllum par þrjú holum Leirunnar verða veitt nándarverðlaun í boði Sporthússins í Meistaramóti 2019

Verðlaunin eru ekki af lakara taginu; þriggja mánaða líkamsræktarkort og brúsi frá Sporthúsinu, hver að verðmæti 31.990 kr.

Verðlaunin eru háð skilyrðum:

  • Sá sem er næstur holu eftir alla daga mótsins.
    Þ.e. hver keppandi fær fjórar tilraunir á hverri holu (að undanskyldum þeim sem leika færri daga).
  • Ekki getur sami kylfingur unnið fleiri en ein nándarverðlaun.
    Dæmi: ef upp kemur sú staða að sami kylfingur er næstur holu á 3. (3,5m) og 16. (1m). Þá vinnur hann verðlaunin á þeirri holu sem hann er nær, í þessu tilviki 16.
  • Hola í höggi telst ekki næstur holu heldur er boltinn í holunni og verða veitt sérstök verðlaun fyrir holu í höggi

Áætlaðir rástímar á fimmtudag

Áætlaðir rástímar fyrir fimmtudag, ræst út af fyrsta teigi.

Opinn flokkur kvenna 8:30-8:50
4. flokkur karla 9:00-10:20
3. flokkur karla 10:30-11:40
2. flokkur kvenna 11:50-12:20
2. flokkur karla 12:30-13:10
1. flokkur karla 13:20-13:40
Öldungaflokkur karla 65+ 13:50-14:00
Meistaraflokkur kvenna 14:10
Meistaraflokkur karla 14:20-15:20
Nýliðaflokkur 17:00-17:20

Sjáumst á vellinum!

Geggjaðir GS-bolir frá Under Armour eru komnir í golfverslunina. Bolirnir eru merktir GS á brjósti og vinstri ermi með slagorðinu Hólmsvöllur í Leiru – minn heimavöllur. Það verður sko tekið eftir okkur á golfvellinum!

Bolirnir kosta einungis 8.900 og fyrsta sending er komin upp á snaga í golfversluninni. Þá eru einnig komnir Callaway Supersoft boltar með merki GS, pakkning með þremur boltum kostar 1.490 kr.

Gleðilegt Meistaramót!

Meistaramót 2019: Dagur 1

Fyrsti dagur Meistaramóts GS gekk vel þegar keppni hófst í yngri flokkum og nýliðaflokki. Það blés talsvert á leikmenn en það kom ekki að sök, allir skemmtu sér vel við annars frábærar aðstæður í Leirunni.

14 ára og yngri og 12 ára og yngri áttu fyrstir leik í Meistaramóti GS 2019 og léku á Hólmsvelli, stuttu síðar léku 10 ára og yngri á Jóel. Allir sýndu snilldartilþrif og gerðu sitt besta.

Í fyrsta sinn var boðið upp á nýliðaflokk enda hafa nýliðanámskeið verið afar vel sótt í sumar. Með nýliðunum gengu vanir kylfingar og leiðbeindu þessum óslípuðu demöntum í gegnum sitt fyrsta mót. Það er ljóst að þessi flokkur er kominn til að vera því almenn ánægja hefur verið með framtakið.

Áætlaðir rástímar á miðvikudag

Mótsstjórn hefur fundað og ákveðið, í ljósi slæmrar veðurspár á miðvikudagsmorgun, að fresta leik fram yfir hádegi. Áætlaðir rástímar verða sem hér segir og verður ræst út af 1. og 10. teig.

Teigur 1:

Meistaraflokkur karla – 13:00-13:50
1. flokkur karla – 14:00-14:10
2. flokkur karla – 14:20-14:50
3. flokkur karla – 15:00-15:50

Teigur 10:

Meistaraflokkur kvenna – 13:00
Öldungaflokkur karla 65+ – 13:10
12 ára og yngri, 14 ára og yngri – 13:20
2. flokkur kvenna – 13:30-13:50
4. flokkur karla – 14:20-15:10
Opinn flokkur kvenna (54 holur) – 14:10

Golfkveðja,
mótsstjórn Meistaramóts 2019

Áætlaðir rástímar Meistaramóts barna og unglinga

Á mánudag hefst Meistaramót GS með keppni í barna- og unglingaflokkum, þá mun nýliðaflokkur einnig hefja leik sama dag.

Áætlaðir rástímar fyrir flokka barna og unglinga eru sem hér segir:

Hólmsvöllur:

Á mánudag og þriðjudag verður ræst út á milli kl. 10 og 12 í flokkum 14 ára og yngri og 12 ára og yngri.
Á miðvikudag verða flokkar 14 ára og yngri og 12 ára og yngri ræstir út á milli 14 og 16.

Jóel:

10 ára og yngri verða ræstir út kl. 11.15 á mánudag og þriðjudag.

Lokahóf og verðlaunaafhending verður í golfskálanum upp úr kl. 17 á miðvikudag, eða þegar allir hafa lokið leik.


Skráning á golf.is

Nýliðaflokkur í Meistaramóti 2019

Ákveðið hefur verið að bjóða upp á nýliðaflokk í Meistaramóti GS 2019. Nýliðaflokkur leikur 3×9 holur, frá mánudegi til miðvikudags.

Mikil fjölgun hefur orðið á nýliðum í klúbbnum og nýliðanámskeiðin hans Sigga Palla tókust vonum framar, færri komust að en vildu.

Nýliðaflokkur:

Í nýliðaflokkinn geta allir nýliðar skráð sig, þ.e. þeir sem hafa gengið í klúbbbinn á árinu og einnig þeir sem hafa sótt nýliðanámskeiðin. Rástímar eru áætlaðir frá kl. 17 alla dagana. Vanir kylfingar munu ganga með ráshópunum og liðsinna eftir þörfum.
Innifalið í mótsgjaldi er lokahóf Meistaramótsins (fyrir átján ára og eldri) sem fram fer á laugardagskvöldinu, þar verður glæsilegur kvöldverður fram borinn og verðlaunaafhending fer fram að honum loknum.

Við hvetjum alla nýliða að taka þátt í Meistaramótinu, skemmtilegasta móti ársins, og mæta á lokahófið til að kynnast öllu því skemmtilega fólki sem er í Golfklúbbi Suðurnesja.

Með golfkveðju frá mótssjórn Meistaramóts


Hægt er að skrá sig á golf.is, gs@gs.is eða með því að hringja í golfskálann í síma 421-4100.

Scroll to top