Flokkur: Stigamótaröð GS

Hola í höggi í öðru stigamóti GS

Atli Elíasson gerði sér lítið fyrir og fór holu í höggi á 13. holu Leirunnar í dag. Atli var að taka þátt í öðru stigamóti GS á þessu ári sem styrkt var af Kosmos & Kaos, svo skemmtilega vildi til að Guðmundur Sigurðsson, eigandi Kosmos & Kaos, var í holli með Atla þegar hann sló draumahöggið.


Skorkort Atla má sjá hér fyrir ofan en hann er lágforgjafarkylfingur (3.0) og lék af gulum teigum í dag. Þrettánda holan er 172m af gulum teigum svo þetta hefur verið ágætis högg hjá Atla sem lék á pari í dag og deilir efsta sæti í mótinu með Gunnari Þór Jóhannssyni. Gunnar lék af hvítum teigum og virðist kunna ágætlega á Leiruna, enda á hann vallarmet af hvítum teigum (65 högg) sem Axel Bóassyni einum hefur tekist að jafna.

Stigamótaröð GS hefst í næstu viku

Nú styttist í að keppnisgolfið hefjist hjá Golfklúbbi Suðurnesja, fyrsta stigamót sumarsins hefst þriðjudaginn 14. maí og nýtt fyrirkomulag verður á því í sumar.

Á síðasta aðalfundi GS var ný reglugerð um Stigamót GS (áður Þ-mótaröð GS) samþykkt. Helsta breytingin er að nú verður hægt að leika mótið á tveimur dögum (í flestum tilfellum), þ.e. að velja milli þess að leika á þriðjudegi eða miðvikudegi, nú eða bara leika báða dagana og betri hringurinn telur. Þá verður einnig keppt í sér karla- og kvennaflokki í hverju móti og veitt verðlaun í báðum flokkum.
Reglugerð um Stigamót GS má lesa hér.


Stigamótaröð GS er einnig keppni um sæti í sveitum GS

Reglugerð fyrir val í sveitir eldri kylfinga má sjá hér en Siggi Palli, íþróttastjóri GS, mun kynna sérstaklega á næstu dögum hvernig vali verður háttað í aðalsveitir klúbbsins.


Búið er að opna fyrir skráningu í mótið á golf.is en þeir kylfingar sem ætla að leika á miðvikudegi þurfa að skrá sig á rástíma og tilkynna þátttöku sína sérstaklega í skála fyrir hring. Óþarfi er að taka fram að þeir þurfa að hafa meðspilara með sér.

Lykiltölur og fleira

Eins og áður hefur komið fram var aðalfundur Golfklúbbsins haldinn á sunnudaginn var. Fundurinn var hinn ágætasti og sköpuðust líflegar umræður þegar nýjar reglugerðir Meistaramóts og Stigamóts voru lagðar undir fundinn.


Lykiltölur:

Rekstratekjur 76 milljónir
Rekstrargjöld 80 milljónir
Tap fyrir fjármagnsliði 4 milljónir
Tap eftir fjármagnsliði 5,3 milljónir
Skuldir hækka á milli ára úr 14 miljónum í 17,5 milljónir.
Leiknir hringir á Hólmsvelli fóru úr 20 þúsund niður í 18 þúsund sem er 10% á milli ára.
Félagafjöldi var 530 sem er fækkun um 30 manns.


Stjórn GS 2019:

Jóhann Páll Kristbjörnsson, formaður

Áfram sitja: Helga Steinþórsdóttir, Sigurður Sigurðsson, Sigurrós Hrólfsdóttir og Sveinn Björnsson.

Ný í stjórn (til tveggja ára): Guðni Sigurðsson, Gunnar Þór Jóhannsson, John Berry og Sigríður Erlingsdóttir.


Skjöl:

Ársreikningur
Ársskýrsla
Reglugerð um Meistaramót
Reglugerð um Stigamót

Breytt fyrirkomulag í innanfélagsmótum GS

Stjórn Golfklúbbs Suðurnesja hefur ákveðið að reyna nýtt fyrirkomulag í Þ-mótaröðinni 2018. Í öllum Þ-mótunum verður notast við „Ready Golf“, þ.e. sá kylfingur sem er tilbúinn slær án tillits til hver sé lengst frá holu eðahver „eigi teiginn“. Það er von okkar að með þessu fyrirkomulagi megi flýta leik talsvert. Þá eru allir kylfingar hvattir til að leika „Ready Golf“ þegar Leiran er spiluð í sumar.

Með golfkveðju,
Jóhann Páll Kristbjörnsson
formaður Golfklúbbs Suðurnesja

Langbest-mótið: Lokamót Þ-mótaraðarinnar á sunnudaginn

Á sunnudaginn verður loka Þ-mót ársins haldið í Leirunni (allir ræstir út samtímis kl. 10.30). Að vanda er Langbest styrktaraðili mótsins, verðlaun eru í boði Langbest sem býður uppá pizzaveisla fyrir þátttakendur í lok móts.

Veðurspá er ágæt fyrir sunnudaginn og opið er fyrir skráningu á golf.is

Heildarstaðan eftir 13 Þ-mót

Úrslit úr fyrsta Þ-mótinu – Olsen Olsen

Fyrsta Þ-mót sumarsins fór fram í gær við erfiðar aðstæður (blés hraustlega aldrei þessu vant). 34 þátttakendur voru skráðir til leiks. Það var Olsen Olsen Hafnargötu sem styrkti mótið. Úrslit urðu sem hér segir:

Björgvin Sigmundsson, 36 punktar
Vilmundur Ægir Friðriksson, 35 punktar (sex punktar á þremur síðustu)
Hermann Guðmundur Jónasson 35 punktar (fimm punktar á þremur síðustu)

Björgvin Sigmundsson sigraði höggleikinn á pari vallarins, 72 höggum.

Guðríður Vilbertsdóttir var næst holu á 16. braut (1,78 m).

Þ-mótaröðin að hefjast

Nú er undirbúningstímabilið að renna sitt skeið og alvaran tekur við. Fyrsta Þ-mótið í ár fer fram á Hólmsvelli fimmtudaginn 4. maí.

Eins og allir GSingar vita eru Þ-mótin ávallt haldin á þriðjudögum, hins vegar getur mótanefnd ákveðið að fella niður mót eða færa á annan dag séu skilyrði sem mæla með því. Á næsta þriðjudag er leiðinda veðurspá en „sumarblíða“ á fimmtudag þvi hefur mótanefnd fært mótið til fimmtudags.

Skráning fer fram á golf.is


Reglugerð Þ-mótaraðarinnar má sjá hér.

Scroll to top