Færslur

Skilaboð til kylfinga

Vinsamlegast hafið eftirfarandi í huga:

  • Það er með öllu óheimilt að leika Hólmsvöll án þess að hafa skráðan rástíma á Golfbox.
  • Kynnið ykkur reglur um golfleik á meðan á samkomubanni stendur. Þær hanga við klúbbhúsið og er einnig að finna hér
  • Á meðan völlurinn er ennþá í vetrarbúningi og ennþá á viðkvæmu stigi minnum við kylfinga á að slá ekki af brautum heldur færa boltann utan brautar og leika þaðan. Við treystum því að kylfingar leiki völlinn miðað við það ástand sem hann er í.
  • Fyrir þá sem eru ekki GS félagar greiðast vallargjöld með millifærslu. Reikningsnr. 0121-26-3286, kt. 530673-0229. Þessar upplýsingar er einnig að finna við klúbbhúsið.
  • Við ítrekum að klúbbhús GS er lokað
  • Starfsfólk GS er í skertu starfshlutfalli og eru félagar beðnir um að sýna því skilning
  • Vinsamlegast sendið erindi á netfangið gs@gs.is, því verður svarað eins fljótt og auðið er

 

Fyrir þá GS félaga sem eiga eftir að ganga frá gjöldum sínum ítrekum við að það er gert með rafrænni greiðsluskráningu hér

-Skráið ykkur inn með rafrænum skilríkjum eða íslykli.

-Velja “ég er félagsmaður” og “jafnframt iðkandi”.

-Þegar búið er að skrá inn kemur upp síða með nafni þess sem skráði sig inn.

-Ýta á “skráning í boði” hægra megin á skjánum.

-Síðan er ýtt á þann flokk sem á við, hægra megin á skjánum.

-Neðar á síðunni er valið um greiðslumáta og fjölda greiðslna.

-Að lokum þarf að setja hak við “samþykki skilmála” neðst hægra megin og ýta svo á “áfram”.

-Til að ljúka ferlinu er svo ýtt á “skrá greiðslu”.

 

Hólmsvöllur opnar formlega

Kæru félagsmenn.

Vegna nýútkominna reglna frá Heilbrigðisráðuneytinu, sjá frétt: https://golf.is/reglur-fra-heilbrigdisraduneytinu-um-astundun-golfithrottarinnar-a-timum-samkomubanns/ getum við nú opnað Leiruna formlega. 

Eins og allir vita er alltaf skilyrði að skrá sig á rástíma. Núna er það jafnframt krafa Heilbrigðisráðuneytisins eins og sjá má í fyrstu reglunni. Það er því með öllu óheimilt að spila völlinn án rástímaskráningar í Golfbox kerfinu.

Fyrir þá félaga sem ekki hafa gengið frá sínum félagsgjöldum bendum við á að það þarf að ganga frá greiðsluskráningu í Nóra kerfinu til að fá aðgang að Golfbox.

Leiðbeiningar um skráningu í Nóra eru hér: 

http://gs.is/2019/12/08/aridandi-tilkynning-vegna-skraningar-2020/

Leiðbeiningar fyrir innskráningu á Golfbox eru hér:

http://gs.is/2020/03/05/nytt-tolvukerfi-golfklubbanna-ordid-virkt/

Völlurinn er í vetrarbúningi eins og er og vallargjöld fyrir þá sem eru ekki GS félagar því í samræmi við það eða einungis 2000 kr.

Næstkomandi mánudag verður opnað inn á sumarflatir og verður þá vallargjald fyrir gesti 3500 kr.

Þar sem ekki er heimilt að hafa klúbbhúsið opið verða greiðslur að fara fram rafrænt. Bankaupplýsingar eru eftirfarandi: 0121-26-3286 kt. 530673-0229. Mikilvægt er að nafn þess komi fram sem á rástímann, annað hvort sem greiðandi eða í skýringu.

Vinsamlegast virðið þessar reglur svo allir geti spilað golf 🙂

 

Kveðja til GS félaga – förum varlega

Kæru GS félagar

Á meðan á samkomubanni stendur verður ekki um skipulagða starfsemi að ræða hjá Golfklúbbi Suðurnesja, klúbbhúsið er lokað og engin þjónusta í boði. Varðandi fyrirspurn félaga í GS vill stjórn koma eftirfarandi á framfæri. Félagsmönnum er að sjálfsögðu ekki bannað að fara inn á völlinn. Vilji félagsmenn spila Hólmsvöll, spila þeir völlinn á eigin ábyrgð.

Við viljum biðja þá sem fara á völlinn að virða vinsamlegast eftirfarandi: 

  • Huga vel að hreinlæti og öðrum sóttvörnum.
  • Virða 2 metra regluna – á öllum tímum.
  • Óheimilt er að snerta flaggstangir. Bollarnir sem taka við boltunum í holunum eru hærri en vanalega svo hægt sé að ná boltanum með kylfunni eftir að holu er lokið. Holu skal lokið þegar boltinn snertir bollann.
  • Ekki deila búnaði, s.s. golfsetti, golfkúlum o.fl.

Óskum öllum félagsmönnum GS gleðilegra páska 🙂

Golfiðkun næstu daga á Hólmsvelli í Leiru

Með hækkandi sól og hlýnandi veðri er eðlilegt að kylfingar fari að leiða hugann að opnun golfvalla. Golfiðkun er holl og góð hreyfing en vegna Covid-19 hefur þríeykið okkar frábæra hinsvegar gefið út skýr fyrirmæli fyrir páskana; ferðumst innanhúss. Hólmsvöllur í Leiru verður lokaður yfir páskana og vill stjórn GS jafnframt hvetja alla kylfinga til að hlýða þessum fyrirmælum. Ferðumst innanhúss um páskana, leyfum golfkylfunum að hvíla sig ögn lengur og leyfum okkur að hlakka til vorsins. #hlýðumvíði

Úrslit í nafnakeppni veitingasölu GS

Breytingar hafa orðið á veitingasölu Golfklúbbs Suðurnesja og mun klúbburinn sjá um reksturinn í sumar. Að þessu tilefni var auglýst nafnakeppni fyrr á árinu. Viðbrögðin voru frábær og kom fjöldinn allur af flottum hugmyndum. Dómnefndin fór yfir allar tillögur og á endanum kom samhljóma niðurstaða.

Fyrir valinu varð nafnið Leirukaffi. Það voru þrír félagar sem lögðu til þetta nafn, þeir Óskar Halldór Guðmundsson, Steinar Sigtryggsson og Þorlákur Helgi Ásbjörnsson. Við óskum þeim til hamingju og munu þeir allir hljóta 10.000 kr. inneign í Leirukaffi í sumar.

Vonandi batnar svo ástandið vegna covid-19 svo við getum opnað Leirukaffi sem fyrst!

Hlökkum til að sjá ykkur í sumar 🙂

Opnun æfingasvæðisins

Kæru félagar.

Stjórn klúbbsins hefur ákveðið að opna æfingasvæði GS. Í þessu sérstaka Covid-19 ástandi geta félagar því komið í Leiruna, fengið sér frískt loft og undirbúið golfið sitt fyrir sumarið.

Við viljum á sama tíma ítreka þær breyttu reglur sem eru í gildi vegna ástandsins og treystum því að allir virði þær samviskusamlega.

Með von um gott samstarf og skilning vegna þessara mikilvægu aðgerða

Stjórn GS

 

Reglur æfingasvæðis GS á meðan á samkomubanni stendur vegna Covid-19:

 

Hreinlæti

Vinsamlegast reynið að lágmarka snertingu við boltavél, körfur og bolta. Ef ekki verður komist hjá beinni snertingu (þ.e. án hanska) þá notið sprittklútana við boltavélina og strjúkið af körfum ásamt snertifleti á boltavél. Sprittbrúsi er einnig við boltavélina og biðjum við kylfinga að sótthreinsa hendur fyrir og eftir æfingu. Starfsmaður GS sótthreinsar körfur og snertiflöt á boltavél einu sinni á dag.

Vinsamlegast virðið 2 metra regluna og notið eingöngu eigin kylfur/áhöld.

Básarnir þar sem eru engar mottur eru lokaðir með öllu.

Tílaust æfingasvæði

Engin tí eru á mottunum og því er ætlast til að upphafshögg séu slegin með eigin tíum fyrir aftan glompuna. Grasbletturinn er LOKAÐUR og biðjum við kylfinga að virða það.

Fjöldatakmörkun

Komi upp sú staða að fleiri en 5 kylfingar sæki skýlið á sama tíma er mikilvægt að sá sem lengst hefur verið víki fyrir þeim sem bíður eftir að hafa klárað sínar kúlur úr bakkanum. 

Opnunartímar

Æfingasvæðið verður opið frá 11-18 alla daga vikunnar. 

Afgreiðsla boltakorta verður í klúbbhúsi á virkum dögum. Til að tryggja afgreiðslu biðjum við kylfinga að hringja á undan sér í síma 421-4100 eða senda póst á gs@gs.is. Til vara er hægt að hringja í 862-0118

 

Vegna mikilla brottfalla á kortum undanfarin ár munu kylfingar greiða 1000 kr. fyrir nýtt kort sem síðan er endurgreitt verði kortinu skilað.

 

 

Sumarstörf í skemmtilegu og fallegu umhverfi í Leirunni

Sumarstörf í skemmtilegu og fallegu umhverfi í Leirunni

Golfklúbbur Suðurnesja er einn af fallegustu golfvöllum landsins og leitar klúbburinn að öflugu fólki til liðs við sig í sumar.

 

Veitingasala/afgreiðsla golfklúbbsins

Starfsfólk í veitingasölu og afgreiðslu klúbbsins. Leitað er að fólki með ríka þjónustulund, er glaðlynt, snyrtilegt og reyklaust. Hæfni í mannlegum samskiptum er mikilvægt sem og sjálfstæði og frumkvæði í vinnubrögðum. Starfsreynsla sem nýtist er kostur. 

Vinnutími og ráðningartími er breytilegur, á tímabilinu apríl – september. 

Nánari upplýsingar veitir Andrea, andrea@gs.is og 421-4100/615-9515.

 

Golfvöllur

Við leitum að duglegum starfskröftum til að vinna við viðhald á golfvellinum. Fjölbreytt og skemmtilegt starf í góða veðrinu. Mikill kostur ef viðkomandi hefur þekkingu á vélum og tækjum. Vinnutími frá kl. 7.00 – 15.00. Ráðningartími breytilegur á bilinu apríl – september, fer eftir stöðu og samkomulagi við vinnuveitanda

Nánari upplýsingar veitir Birkir Þór Karlsson, birkir@gs.is og 865-4787.

Umsóknir sendist á gs@gs.is. Óskað er eftir ferilskrá og meðmælum.

 

English version:

Outside summer jobs at Sudurnes Golfclub, a beautiful 18 hole golf course just outside Reykjanesbaer.

The club is looking for powerful workers on the golf course next summer. We offer enjoyable jobs where the tasks vary from day to day. Good machine knowledge is not a condition but a big advantage. Working time is from 7.00 to 15.00. Starting and ending time can be agreeable with the club.

For further information please contact Birkir Þór Karlsson, birkir@gs.is or 865-4787þ

All applications should be in english and sent to gs@gs.is. We ask for a resume and letters of recommendation or name and number of former employers. 

 

Polish version:

Praca na wakacje w pięknej okolicy na polu golfowym Leiran.

Klub golfowy Suðurnesja to jedno z najpiękniejszych pól golfowych na Islandii. Poszukujemy silnych, energicznych i pracowitych ludzi do prac pielęgnacyjnych pola golfowego w sezonie wakacyjnym. Praca ta jest zróżnicowana i przyjemna przy dobrej pogodzie. Wielką zaletą jest posiadanie znajomości obsługi maszyn i urządzeń potrzebnych w pielęgnacji pola golfowego.

Czas pracy: 7:00 – 15:00. Czas zatrudnienia zmienny w okresie od kwietnia do września w zależności od sytuacji i umowy z pracodawcą.

Wszystkich informacji udziela Birkir Þór Karlsson, birkir@gs.is , tel. 865-4787

Podania zawierajce CV i rekomendację należy wysyłać na adres e-mail: gs@gs.is.

Golfklúbbur Suðurnesja semur við PlayGolf.is

PlayGolf Iceland er glæný golf þjónusta sem býður erlendum kylfingum aðgang til að bóka hina fullkomnu golfferð til Íslands. Vefsíðan inniheldur 20 af bestu golfvöllum landsins og er golfklúbbur Suðurnesja stoltur meðlimur.

PlayGolf.is býður upp á golfpakka sem og golf á einstökum völlum. Markmið Playgolf Iceland er að kynna íslenskt golf á erlendum markaði og að bæta aðgengi erlendra kylfinga í bókun á golftengdum ferðum til Íslands.

Við óskum PlayGolf Iceland til hamingju með síðuna.

Hægt er að sjá nánari upplýsingar á https://www.playgolf.is

Scroll to top