Fréttir

Æfingasvæðið í Leiru opnar

Búið er að opna æfingasvæðið í Leirunni.
Þeir sem eiga boltakort frá því í fyrra geta notað sín kort áfram. Hægt verður að fylla á boltakort og kaupa token í boltavélina í golfverslun GS
frá 08:00 – 16:00 alla daga þessarar viku.

Búið að semja við Issa

Þær fréttir að Issi verður áfram í Leirunni ættu að gleðja GSinga. Issi kom inn s.l. haust og hefur gert mjög góða hluti sem hafa fallið í kramið hjá félögum í GS.

Það hefur verið vilji stjórnar að halda Issa innan okkar raða enda mikill fengur í honum (margur er knár þótt hann sé smár), stjórnin hefur því komist að samkomulagi við Issa um að hann sjái um veitingasöluna í Leirunni þetta árið.
Þeir sem til þekkja vita hversu mikill fagmaður er þarna á ferð og sést það best á þvílíkum stakkaskiptum klúbbhúsið hefur tekið eftir innkomu Issa & co.

Við bjóðum Issa og Hjördísi velkomin í Leiruna!

Jóhann Páll, formaður

Æfingaferð GS til Valle del Este

Það eru örfá sæti laus fyrir félaga í GS í æfingaferð klúbbsins til Valle del Este á Spáni 22.–29.apríl nk.

Félagar hafa aðeins örfáa daga til að festa sér sæti – fyrstir koma fyrstir fá.

Verð á mann:
Tvíbýli kr. 179.900,-
Einbýli kr. 189.900,-

Innifalið:
Flug m. flugvallasköttum og flutningur golfsetts (hámark 15 kg)
Akstur milli flugavallar og hótels
Gisting m. fullu fæði í herbergjum með garðsýn*
Ótakmarkað golf með golfbíl alla daga (háð brottfarar- og komutíma)**
Fararstjórn

*Fullt fæði er morgun- og kvöldverðarhlaðborð á hótelinu og hádegisverður er í klúbbshúsinu skv. matseðli sem er m.a. hamborgari, spaghetti, salat og Paella.
**Ótakmarkað golf: Gestir geta leikið ótakmarkað golf sér að kostnaðarlausu alla spiladagana, eingöngu EF rástímar eru lausir. Viðbótargolf við 18 holur á dag er ekki hægt að panta fyrirfram og er háð umferð á vellinum.
GS-ingar bóka sig á eftirfarandi tengli og númer hópsins er 3009:
Bóka hér

Opnun á inniæfingaaðstöðunni – Opnum Mánudaginn 8. janúar

Nú er nýtt ár hafið og um að gera að koma sér í gott „golfform“ fyrir sumarið. Við ætlum að opna inniæfingaaðstöðu GS sem er í Íþróttaakademíunni að Sunnubraut 35. En þar er hægt að slá í net og púttað og vippað.

Opnunartímar fyrir GS félagar eru sem hér segir; 

Mánudagar        17:00 – 21:30  
Miðvikudagar    17:00 – 21:30
Fimmtudagar     17:00 – 21:30
Laugardagar      10:00 – 14:00

Þeir kylfingar sem hafa áhuga á að komast í golfherminn geta pantað tíma á gs@gs.is eða í símum 846-0666 – 771-2121 eða 898-8299. Klukkutíminn í herminum kostar 2.500 kr.

Hlökkum til að sjá ykkur.

Gleðileg Jól

Starfsmenn og stjórnendur Golfklúbbs Suðurnesja óska kylfingum gleðilegra jóla og færsældar á nýju ári.
Hlökkum til að sjá ykkur á nýju ári í syngjandi golfsveiflu 🙂

 

Skötuveisla í Leirunni

Á Þorláksmessu (sem vill svo skemmtilega til að hittir á 23. desember í ár) verður skötuveisla í Leirunni á milli kl. 11 og 14.

Á matseðlinum verður kæst skata og saltfiskur með viðeigandi meðlæti. Skötuveislan er til styrktar unglingum og afreksfólki í GS sem söfnum upp í æfingaferð Golfklúbbsins til Spánar næsta vor.

Verð aðeins 3.500 kr. á mann

Borðapantanir skulu sendar á gs[at]gs.is eða í síma 846-0666

Aðalfundur GS 2017 fréttir af fundinum

Aðalfundur GS fór fram í gær og voru um 40 félagar sem mættu á fundinn. Formaður fór yfir skýrslu stjórnar og framkvæmdastjóri fór yfir reikninga sem má nálgast hér að neðan.

Tvær breytingar urðu í stjórn en þeir Johan D Jónsson og Björgvins Sigmundsson gengu úr stjórn og voru þau Sigurður Sigurðsson og Helga Steinþórsdóttir sem komu inn í stjórn.

Stjórn GS var kjörin sem hér segir;

Formaður Jóhann Páll Kristbjörnsson

Stjórn GS 2018
Helga Steinþórsdóttir
Sigurður Sigurðsson
Sigurrós Hrólfsdóttir
Sveinn Björnsson
Georg Arnar Þorsteinsson
Guðmundur Rúnar Hallgrímsson
Hilmar Björgvinsson
Heiður Björk Friðbjörnsdóttir

 

Ársreikningur GS 2017

Rúm vika í aðalfund

Núna er rétt rúm vika í aðalfund, en hann verður haldinn í golfskálanum í Leiru mánudaginn 4. desember kl. 20.00.

Ég vil því minna fólk á frestur til að tilkynna framboð til stjórnar rennur út viku fyrir fund, í síðasta lagi kl. 19.59 mánudaginn 27. nóvember.

Nánar má kynna sér störf aðalfundar í lögum GS

Vona að sem flestir sjái sér fært að mæta,
Jóhann Páll Kristbjörnsson
formaður Golfklúbbs Suðurnesja

GREIÐSLUFYRIRKOMULAG OG FÉLAGSAÐILD 2018

Nú styttist í að innheimta vegna aðildar 2018 hefjist, tillögur að félagsgjöldum verða lagðar fram á aðalfundi 4. desember næstkomandi og verða gjöld næsta árs kynnt strax að honum loknum.
Hafi félagar hug á að gera einhverjar breytingar á greiðslufyrirkomulagi eða aðild sinni að félaginu eru þeir vinsamslegast beðnir um að hafa samband við skrifstofu klúbbsins í síma 421-4100 eða með tölvupósti á netfangið gs@gs.is fyrir 30.  nóvember næstkomandi.
Fyrsta greiðsla félagsgjalda kemur til greiðslu í janúar 2018, þeir sem nýta sér greiðsludreifingu á kreditkort – VISA, Mastercard eða AMEX, fá fyrstu skuldfærslu á kortið í desember – til greiðslu í janúar.
Innheimta árgjalda

Innheimta árgjalda er eftirfarandi:

Greiðslukort – Hægt verður að skipta árgjaldi niður í 10 mánuði. Frá 1.jan til 1.okt. 5% kostnaður verður settur á fyrir þá sem greiða með kortum. (1.jan-1.feb-1.mar-1.apr-1.maí-1.jún-1.júl-1.ágú- 1.sept- 1.okt.)

Greiðsluseðlar – Gefnir verða út 4 greiðsluseðlar. Gjaldagar 1.jan-1.feb-1.mars og 1.april. eindagi þessara seðla er 10 hvers mánaðar. En eindagi árgjalda er 10. Apríl.

Greiðsluseðlar 2 – Seðill gefin út 1.feb og gjaldagi er 1.apríl og eindagi 10. apríl.

Athugið að klúbburinn sendir eingöngu kröfur í bankann en ekki greiðsluseðla á pappír.
Scroll to top