Fréttir

Firmakeppni GS 2017

Firmakeppni GS verður haldin fimmtudaginn 17. ágúst 2017. Tveir leika fyrir hvert firma og er leikinn tvímenningur, betri bolti með forgjöf (hámarksforgjöf hjá körlum er 24, konum 28).

GS getur lagt til leikmenn til að keppa fyrir hönd fyrirtækis sé þess óskað.
Ræst út frá kl. 10.00 til 17.30

Allar nánari upplýsingar og skráning í síma 846-0666, gtj[at]gs.is eða á golf.is

Frábær lokadagur hjá Karen Guðna

Það er óhætt að segja að lokadagurinn í Eimskipsmótaröðinni nú um helgina hafi verið eftirminnilegur fyrir Karen Guðnadóttur. Ekki nóg með að standa uppi sem sigurvegari í kvennaflokki heldur fór hún einnig holu í höggi í fyrsta sinn.

Stelpurnar okkar stóðu sig frábærlega í mótinu. Kinga Korpak leiddi mótið fyrstu tvo dagana með góðri spilamennsku en gaf svo eftir á lokadegi, hún endaði í jöfn í þriðja sæti. Karen Guðna lék jafnt og gott golf alla dagana sem skilaði henni góðum tveggja högga sigri. Sannarlega frábær árangur hjá þessum flottu kylfingum okkar.

Sextán manna úrslit Bikarkeppninnar

Sextán manna úrslit hefjast laugardaginn 29. júlí og hafa keppendur fjóra daga til að ljúka leik. Leikirnir eru eftirfarandi:

Þorgeir Ver Halldórsson – Þorsteinn Geirharðsson
Gerða Hammer – Sveinn Ævarsson
Valdimar Birgisson – Birkir Karlsson
Jóhann Páll Kristbjörnsson – Oddgeir Karlsson
John Berry – Þorlákur Helgi Ásbjörnsson
Sveinn Björnsson – Óskar Halldórsson
Baldvin Gunnarsson – Róbert Sigurðsson
Guðlaugur Grétarsson – Guðmundur Rúnar Hallgrímsson

Bikarkeppni GS 2017

Skráning er hafin í Bikarkeppni GS 2017.

Bikarkeppnin hefst laugardaginn 22. júlí.

Skráning í mótið fer fram á golf.is og er hægt að skrá sig til leiks fram á hádegi fimmtudaginn 20. júlí. Fyrirkomulag er holukeppni með forgjöf.

Fimmtudagskvöldið 20. júlí kl. 20 verður svo dregið í viðureignir í golfskálanum. Þátttakendur eru hvattir til að vera viðstaddir og mun Axel vert vera með tilboð á hamborgurum það kvöldið.

Núverandi bikarmeistari GS er Óskar Halldórsson og mun hann reyna að verja titilinn.

Klúbbmeistarar 2017

Meistaramót 2017 var leikið undanfarna fjóra daga. Aðstæður voru erfiðar og veðurfar gerði kylfingum lífð leitt, sérstaklega fyrstu tvo dagana.

Keppendur létu það þó ekki á sig fá og allir sem hófu leik luku leik. Klúbbmeistarar í ár eru þau Karen Guðnadóttir (8. titill) og Guðmundur Rúnar Hallgrímsson (9. titill). Þau unnu bæði sína flokka nokkuð örugglega.

Mótanefnd þakkar öllum sem tóku þátt og óskar verðlaunahöfum til hamingju.

Meistaramót GS 2017

Skráning í meistaramótið er í fullum gangi.

Veðurspáin hljóðar ekki uppá það besta, sérstaklega á laugardeginum. Því hefur mótsstjórn ákveðið að setja fyrirvara um að lokadagurinn gæti farið fram á sunnudeginum. Ákvörðun um það verður tekin nær helgi.

Scroll to top