Fréttir

Páskar 2017

Í dag, skírdag, er völlurinn opinn frá kl. 10.00 (rástímaskráningar á golf.is). Tilboð á flatargjöldum 2.500 kr. (ath. flestir vinavallasamningar taka gildi 1. maí).

Yfir páskana verður Hólmsvöllur opinn eins mikið og hægt er, þó er kuldaspá og næturfrost í kortunum og líklegt að einhverja morgna verði völlurinn opnaður seinna líkt og í dag. Kylfingar eru hvattir til að fylgjast með á gs.is og golf.is.

Frábær æfingaferð til Morgado

Fyrstu vikuna í apríl fór Golfklúbbur Suðurnesja í vel heppnaða æfingaferð til Morgado í Portúgal. Alls fóru 12 iðkendur og þeim fylgdi stór hópur GSinga sem skemmti sér við kjöraðstæður á golfvöllunum.

Alla daga var æft í u.þ.b. þrjá tíma fyrir hádegi, síðan var farið í hádegismat og eftir það léku krakkarnir 9 eða 18 holur eftir getu … en þau allra yngstu gátu líka valið að fara í sund. Veðrið var frá 14°C á morgnana og fór í 25°C um miðjan daginn, engum þótti leiðinlegt að leika sér í golfi við þær aðstæður.
Á meðan krakkarnir æfðu gátu aðrir GSingar leikið golf á tveimur stórskemmtilegum 18 holu golfvöllum sem eru þarna, Morgado og Alamos. Fólk lék frá 18 til 36 holur á dag og svo fóru allir í sameiginlegan kvöldverð í klúbbhúsinu sem var með gott útsýni yfir völlinn.

„Ég er mjög stolt af þeim, þvílík framför sem margir eru að sýna. Mikill metnaður og framtíðin er svo sannarlega björt,“ sagði Karen um krakkana eftir ferðina.

Og það er strax farið að undirbúa ferð að ári.


Hér að ofan má sjá svipmyndir af krökkunum við æfingar

FootJoy mátunardagar í Leirunni

Í samstarfi við ÍSAM ætlum við að bjóða kylfingum í GS golffatnað frá FootJoy á einstöku tilboðsverði í næstu viku – aðeins þessa daga og aðeins fyrir GSinga!

Frá þriðjudeginum 18. apríl til föstudagsins 21. apríl verða sýnishorn af því nýjasta fyrir karla og konur frá FootJoy hjá okkur í golfversluninni í Leiru.

Opnunartímar til að máta og panta:

Þriðjudagur 9.00–16.00
Miðvikudagur 9.00–16.00 og 20.00–22.00
Fimmtudagur 9.00–16.00
Föstudagur 9.00–16.00 og 20.00–22.00

Við hvetjum GSinga til að nota tækifærið, mæta og gera góð kaup á frábærum golffatnaði frá FootJoy – golftímabilið er handan við hornið.
Greiðsla fer fram við pöntun.

Happdrætti Golfklúbbs Suðurnesja 2017: Dregið eftir páska

Af óviðráðanlegum orsökum verður því miður ekki hægt að draga í happdrætti Golfklúbbsins fyrr en eftir páska.

Um leið og búið er að draga verða vinningsnúmerin birt hér á síðunni gs.is. Við biðjumst velvirðingar og vonum að fólk sýni þessu skilning.

Við þökkum þeim sem keyptu miða og gerðu krökkunum með því móti kleyft að fara í frábæra æfingaferð til Portúgal, hafið það gott yfir páskana.

Úrslit úr öðru Vormóti GS

Það viðraði ekki bærilega fyrir kylfinga í dag, en það voru um 90 kylfingar sem hófu leik á Hólsmvelli í dag.

Úrslit urðu sem hér segir:

1.sæti án fgj.  Jóel Gauti Bjarkarsson 75.högg
1.sæti punktar Sigurður Ólafsson 38.punktar.
2.sæti punktar Guðlaugur H Guðlaugsson 37.punktar
3.sæti punktar Jóel Gauti Bjarkarsson 35.punktar

Næst holu á 9.braut Jóhann Kr 1.35 m
Næst holu á 16.braut Helgi Róbert 2,99 m
Næst holu á 18.braut Helgi Hólm 1.0 m

GS þakkar kylfingur fyrir þátttökuna í mótinu og óskar verðlaunahöfum til hamingju með flottan árangur við krefjandi verðuraðstæður. Minnum svo á mótið hjá okkur n.k fimmtudag.

 

Úrslit úr Vormóti GS 1.apríl

Það var smekkfullur völlur og flott 1.apríl veður í Leirunni í dag. Um 150 kylfingar hófu leik og urðu úrslit sem hér segir:

Best skor Björgvin Sigmundsson 72.högg
1.sæti punktar Halldór M Þórðarson 41.punkt.
2.sæti punktar Sigurbjörn R Jónasson 40.punkt.
3.sæti punktar Jón Alfreðsson 40.punkt.
33.sæti Valur Þórarinsson 31.punkt.

 

Næst holu á 9.braut Bjarni Sigurðsson 50 cm.
Næst holu á 16.braut Björgvin Sigmundsson 2.50 m.
Næst holu á 18.braut Bergsveinn Þórarinsson 1.63 m.

GS óskar vinningshöfum til hamingju með flottan árangur í dag og þakkar keppendum kærlega fyrir daginn. Minnum svo á mótið hjá okkur næstu helgi. Skráning á golf.is

 

Nýtt fólk með veitingareksturinn í Leirunni

Samið hefur verið við hjónin Axel Axelsson og Erlu Laufey Pálsdóttur um að taka við rekstri veitingasölunnar hjá Golfklúbbi Suðurnesja. Axel er matreiðslumeistari og Erla bakari svo eitthvað gómsætt ætti að vera á boðstólum fyrir kylfinga í sumar.

Veitingasalan opnar þann 1. apríl og munu þau hjón bjóða kylfingum uppá glæsilegan matseðil í allt sumar, eins og lamb Bernaise og lax Hollandaise, alvöru amerískar samlökur og hamborgara. Heimalöguð súpa verður alltaf í boði, kökur og góðgæti. Að auki verða samlokur og þess háttar til að grípa með sér út á völl.

Í apríl verður opið virka daga frá kl. 11.00 til 21.00 og um helgar frá 9.30.

Þau hjón eru spennt fyrir komandi sumri og stjórn GS hlakkar til samstarfsins og býður þau velkomin í Leiruna.

Facebook-síða Leiran mathús

Opnun Hólmsvallar

Nú er golftímabilið að hefjast, vorið er komið í Leirunni. Í dag sást tjaldurinn í fyrsta sinn á vellinum þetta árið, hann er hinn eiginlegi vorboði okkar.

Í dag opnum við æfingasvæðið, boltavélin byrjar að malla og hægt að kaupa á æfingasvæðið í golfskálanum.
Á laugardaginn verður fyrsta opna vormótið haldið í Leirunni, búið er að opna fyrir skráningu á golf.is og það fyllist fljótt.
Á sunnudaginn verður tilboð á vallargjöldum (3.000 kr.) og opið inná sumarflatir, rástímaskráning á golf.is.
Eftir það er bara komið sumar og völlurinn opinn.

Nýr vefur Golfklúbbs Suðurnesja

Ný heimasíða GS hefur verið sett í loftið. Gamla síðan var komin nokkuð til ára sinna og þótti tímabært að endurgera hana. Mörgu af gamla vefnum hefur verið hent út og nýtt komið inn. Vefurinn er í vinnslu og vafalaust ýmsir hnökrar á honum, en vefsíðan er „lifandi“ og tekur breytingum jafnt og þétt.

Hafi fólk athugasemdir við vefinn er þeim bent á að senda þær til formanns (johann[at]gs.is) – góða helgi 🙂

Ný grip fyrir sumarið

Nú er rétti tíminn til að huga að komandi golfvertíð … eins og að skipta um grip á golfkylfunum.

Við bjóðum uppá grip frá PureGrips og skiptum um á settinu fyrir þig. Verð á sveiflugripum er 2.090 kr. (barnagrip 1.190 kr.) með ásetningu, ofan á það er 20% afsláttur fyrir félaga í GS.

Hafið samband við golfverslun í síma 421-4100 og gerið ykkur klár fyrir golfsumarið.

Scroll to top