Umgengnisreglur

GÆTIÐ ÁVALLT FYLLSTA ÖRYGGIS
Sýnið ávallt ýtrustu varkárni þegar þið sveiflið kylfunni.
Verið viss um að aðrir kylfingar séu ekki í höggfæri þegar þið sláið ykkar högg.
Kallið „FORE“ ef minnsta hætta er á að ykkar bolti geti hitt einhvern.
Vallarstarfsmenn við vinnu eiga allan rétt, bíðið ávallt eftir merki þeirra.

SÝNIÐ YKKAR BESTU HLIÐAR
Sýnið öðrum tillitssemi, prúðmennsku og kurteisi.

KLÆÐNAÐUR
Mælst er til þess að kylfingar klæðist snyrtilegum golffatnaði.
Notið ekki skó sem geta valdið skemmdum á flötum.

LEIKHRAÐI
Eingöngu má hefja leik á fyrsta teig (nema með samþykki ræsis).
Leikið án tafar og fylgið leiðbeiningum um leikhraða á skorkorti.
Haldið uppi leikhraða og hleypið framúr.
Á álagstímum eru kylfingar hvattir til að taka upp hafi þeir ekki lokið leik á holunni en notað fleiri högg en tvöfalt par brautarinnar.
Yfirgefið flötina um leið og leik er lokið á henni og skráið skorið á næsta teig.

TAKMARKANIR
Kylfingar eru hvattir til að leika af þeim teigum sem hæfa þeirra forgjöf
(Kylfingar sem ekki hafa skráða forgjöf eða hafa yfir 30 í forgjöf eru hvattir til að leika af fremstu teigum).
Kylfingum er óheimilt að leika fleiri en einum bolta í einu. Æfingar á Hólmsvelli eru með öllu bannaðar.
Leikur tveggja með tvær kúlur og eitt golfsett er bannaður.

GANGIÐ VEL UM GOLFVÖLLURINN
Haldið vellinum hreinum og setjið allt rusl í ruslatunnur.
Farið eftir vegvísum og umferðarmerkjum og hlífið viðkvæmum svæðum.
Leggið torfusnepla í kylfuför, rakið glompur og leggið hrífur á sinn stað.
Gerið við boltaför á flötum með flatargafli.
Farið ekki með golfpoka eða kerrur inn á flatir eða teiga.
Óheimilt er að fara með golfkerrur og golfbíla á milli flatarglompu og flatar.

EFTIRLIT MEÐ LEIK
Eftirlit með leik, leikhraða og umgengni á vellinum er í höndum ræsis og eftirlitsmanna.
Kylfingum ber að framvísa félagsskírteini eða kvittun fyrir greiðslu vallargjalds sé þess óskað.
Kylfingur sem hefur leik á vellinum án þess að hafa til þess heimild telst hafa skuldbundið sig til greiðslu tvöfalds vallargjalds.
Þeim sem leika Hólmsvöll er skylt að hlíta fyrirmælum ræsis eða eftirlitsmanna.

Brot á ofangreindum reglum og tilmælum geta varðað skilyrðislausa brottvísun af svæði golfklúbbsins. Athugið að kylfingar eru á eigin ábyrgð á golfvallarsvæðinu.

Scroll to top