Reglugerð um Stigamót GS

1. Leikin eru tólf stigamót á leiktímabilinu maí til september.


2. Mótin eru innanfélagsmót, eingöngu opin fyrir félagsmenn í GS til þátttöku og verðlauna, nema annað sé tekið fram. Kylfingar úr öðrum klúbbum geta tekið þátt í mótunum fyrir sérstakt gjald.


3. Þátttökugjald er ákveðið af mótanefnd fyrir hvert tímabil.


4. Leikin er Stableford-punktakeppni í opnum forgjafarflokkum karla og kvenna. Karlar leika af teigum 55 kk, konur af teigum 46 kvk. Kylfingar geta óskað eftir leyfi mótsstjórnar til að leika af öðrum teigum enda sé það gert áður en leikur hefst.
Heimilt er að hafa fleiri verðlaunaflokka í einstökum mótum, t.d. unglingaflokk og öldungaflokk.


5. Hámarks gefin forgjöf er:
Karlar 36
Konur 40


6. Í hverju einstöku móti eru veitt verðlaun í formi gjafabréfa, 60.000 kr. í hverju móti. 
Þau skiptast þannig:
1. sæti karla með forgjöf: 10.000 kr.
2. sæti karla með forgjöf: 6.000 kr.
3. sæti karla með forgjöf: 4.000 kr.
1. sæti kvenna með forgjöf: 10.000 kr.
2. sæti kvenna með forgjöf: 6.000 kr.
3. sæti kvenna með forgjöf: 4.000 kr.
Besta skor án forgjafar: 10.000 kr.
Aukaverðlaun (nándarverðl., teighögg o.s.frv.): 5.000 kr.


7. Hvert stigamót hefst á þriðjudegi og lýkur á miðvikudegi. Hverjum kylfingi er heimilt að leika einn hring á dag meðan á móti stendur.
Mótanefnd er heimilt að halda allt að þrjú stigamót ár hvert þar sem allir keppendur eru ræstir út samtímis, í þeim umferðum er aðeins leikinn einn hringur.


8. Að hverju móti loknu er birtur stigalisti. Öll stigamótin hafa jafnt stigavægi. Stig eru gefin eftir punktafjöld í hverju mót fyrir sig með og án forgjafar Stableford (dæmi: leikmaður með 35 punkta með forgjöf fær 35 stig), besti hringur telur.


9. Að loknum öllum stigamótum tímabilsins verða krýndir Stigameistarar Golfklúbbs Suðurnesja. Verðlaunaafhending fer fram að loknu síðasta móti, í september. 80% af heildarmótunum telja, t.d 10 mót af 12.


10. Veitt verða verðlaun í eftirfarandi flokkum:
Stigameistari án forgjafar
Stigameistari karla með forgjöf
Stigameistari kvenna með forgjöf


11. Hvert mót mun hafa sjálfstæðan styrktaraðila sem leggur fram verðlaun í formi gjafabréfa. Mótin eru auglýst sérstaklega og fyrirkomulag þess, t.d. hvort mótið sé leikið á þremur dögum eða allir keppendur ræstir út samtímis.


Reglugerð samþykkt á aðalfundi Golfklúbbs Suðurnesja 2. desember 2018
Scroll to top