Flokkur: Mótamál

Guðrún Brá bætti vallarmetið í Leirunni

Glæsilegt Ljósanæturmót Hótel Keflavíkur & Diamond Suites fór fram í Leirunni við frábærar aðstæður, alls tóku 115 kylfingar þátt í mótinu og mátti sjá mörg góð skor. Eitt skorkortið bar þó af en Guðrún Brá Björgvinsdóttir, Íslandsmeistari í höggleik úr Keili, gerði sér lítið fyrir og bætti vallarmet kvenna af rauðum teigum (46 kvk) um heil fjögur högg. Fyrra vallarmet áttu þær Heiða Guðnadóttir (GM) og Þórdís Geirsdóttir (GK), 72 högg.

Guðrún Brá lék frábært golf á hringnum, fékk einn skolla og fimm fugla. Til hamingju Guðrún!


Verðlaun í höggleik:

1. sæti – Gisting í standard herbergi fyrir tvo með morgunverði á Hótel Keflavík, þriggja rétta ævintýraferð að hætti Óla á Kef Restaurant.og eins mánaðar líkamsræktarkort í Lífsstíl. – Guðrún Brá Björgvinsdóttir
2. sæti – Gisting á Hótel Örk með morgunverði. – Guðmundur Rúnar Hallgrímsson
3. sæti – Gisting á Hótel Selfoss með morgunverði. – Þórður Ingi Jónsson
4. sæti – Gisting BB Hótel með morgunverði fyrir tvo. – Helgi Snær Björgvinsson
5. sæti – Gisting á Lighthouse með morgunverði. – Örn Ævar Hjartarson
6. sæti – Gisting á Guesthouse Keflavík með morgunverði og tveggja rétta ævintýraferð að hætti Óla fyrir tvo Kef Restaurant. – Björgvin Sigmundsson
7. sæti – Gisting á Stracta Hótel með morgunverði fyrir tvo. – Guðni Vignir Sveinsson

Verðlaun í punktakeppni:

1. sæti – Gisting í standard herbergi fyrir tvo á Hótel Keflavík með morgunverði, þriggja rétta ævintýraferð að hætti Óla á Kef Restaurant. – Róbert Örn Ólafsson
2. sæti – Gisting á Hótel Örk með morgunverði. – Ólafur Ríkharð Róbertsson
3. sæti – Gisting á Hótel Selfoss með morgunverði. – Atli Karl Sigurbjartsson
4. sæti – Gisting BB Hótel með morgunverði fyrir tvo. – Ævar Már Finnsson
5. sæti – Gisting á Lighthouse með morgunverði. Helgi Snær Björgvinsson
6. sæti – Gisting á Guesthouse Keflavík með morgunverði og tveggja rétta ævintýraferð að hætti Óla fyrir tvo á Kef Restaurant. – Bjarni Fannar Bjarnason
7. sæti – Gisting á Stracta Hótel með morgunverði fyrir tvo. – Davíð Hlíðdal Svansson

Næst holu á 3. braut – Bílaþvottur og bón frá Steinabón, 5 tíma ljósakort í Lífsstil. – Svandís Þorsteinsdóttir, 1,85 m
Næst holu á 8. braut – Eins mánaðar líkamsræktarkort og 5 tíma ljósakort í Lífsstíl. – Davíð S, 7,79 m
Næst holu á 13. braut – Eins mánaðar líkamsræktarkort og 5 tíma ljósakort í Lífsstíl. – Óskar Halldórsson, 6,36 m
Næst holu á 16. braut – Tveggja rétta ævintýraferð á Kef Restaurant fyrir tvo og 5 tíma ljósakort í Lífsstíl. – Björgvin Sigmundsson, 1,29 m

Flestar sjöur á skorkorti – Ein klukkustund í golfhermi hjá Golfklúbbnum í Holtagörðum. – Guðrún Þorsteinsdóttir
Flestar áttur á skorkorti – Ein klukkustund í golfhermi hjá Golfklúbbnum í Holtagörðum. Guðbjörg Brynja Guðmundsdóttir

Aukavinningar – dregið úr öllum skorkortum:

Eins mánaðar líkamsræktarkort og fimm tíma ljósakort í Lífsstíl. – Pétur Viðar Júlíusson
Gisting á gistiheimili Kef með morgunverði, tveggja rétta ævintýraferð að hætti Óla á Kef Restaurant. – Þórunn Einarsdóttir
Tveggja rétta óvissuferð á Kef Restaurant. – Þórður Karlsson
Gisting á Hótel Keflavík með morgunverði. – Kristinn Edgar Jóhannsson

Vinningshafar geta vitjað viningana í golfskála GS.

Íslandsmót unglinga í höggleik

Um helgina fór fram Íslandsmót unglinga í höggleik hjá Golfklúbbi Kópavogs og Garðabæjar (GKG). Golfklúbbur Suðurnesja átti sjö þátttakendur í mótinu sem stóðu allir sig vel og voru klúbbnum til sóma.

Úrslit:

Stelpur 14 ára og yngri:
Fjóla Margrét Viðarsdóttir 3. sæti og 2. sæti á stigalistanum eftir sumarið. Frábær árangur.

Drengir 14 ára og yngri:
Sólon Siguringason 9. sæti
Kári Siguringason 21. sæti

Piltar 17–18 ára:
Logi Sigurðsson 7. sæti

KK 19–21 árs:
Róbert Smári Jónsson 5. sæti
Birkir Orri Viðarsson 9. sæti
Haukur Ingi Júlíusson 11. sæti

Flottur árangur hjá okkar fólki.

Íslandsmót golfklúbba – sveitir eldri kylfinga

Dagana 16.–18. ágúst fara Íslandsmót golfklúbba eldri kylfinga fram. GS karlar leika á heimavelli en GS konur í Öndverðanesi.

Þar sem leikið verður á heimavelli eru félagar hvattir til að fjölmenna á Hólmsvöll og fylgjast með, þá er alltaf nóg að gera fyrir sjálfboðaliða – bara setja sig í samband við Andreu, framkvæmdastjóra, eða John Berry, formann mótanefndar.

Karlasveit GS skipa:

Guðmundur Sigurjónsson, Guðni Vignir Sveinsson, Gunnlaugur Kristinn Unnarsson, Hilmar Björgvinsson, Kristján Björgvinsson, Óskar Halldórsson, Páll Ketilsson, Sigurður Sigurðsson og Þröstur Ástþórsson. Liðsstjóri er Jóhann Páll Kristbjörnsson.

Kvennasveit GS skipa:

Hafdís Ævarsdóttir, Helga Sveinsdóttir, Karitas Sigurvinsdóttir, Magdalena Sirrý Þórisdóttir, Ólafía Sigurbergsdóttir og Þóranna Andrésdóttir. Liðsstjóri er Sigríður Erlingsdóttir.

Sömu liðsstjórar stýrðu liðum GS í Íslandsmóti golfklúbba um síðastliðna helgi en þrátt fyrir það var ákveðið að gefa þeim annað tækifæri.

Góður árangur sveita GS á Íslandsmóti golfklúbba

Um síðustu helgi fór fram Íslandsmót golfklúbba þar sem GS tefldi fram sveitum í efstu deildum karla og kvenna.

Mótið var haldið með nýju sniði þetta árið en það fór fram á tveimur völlum, Urriðavelli (GO) og Leirdal (GKG), og var leikið til skiptis á þessum völlum.

Kvennalið GS

Kvennalið GS stóð sig frábærlega og endaði í fimmta sæti. Liðið hefur sýnt það undanfarin ár að það á fullt erindi í efstu deild, margar af stelpunum eru ungar, efnilegar og eiga mikið inni. GS lið kvenna á bara eftir að bæta sig þegar fram sækir.
Liðið skipaði: Andrea Ásgrímsdóttir, Auður Ásgrímsdóttir, Elínóra Einarsdóttir, Fjóla Margrét Viðarsdóttir, Kinga Korpak, Laufey Jóna Jónsdóttir, Rut Þorsteinsdóttir og Zuzanna Korpak. Liðsstjóri var Sigríður Erlingsdóttir.


Karlalið GS

Karlaliðið byrjaði á erfiðum andstæðingum í þremur fyrstu viðureignunum og tapaði þeim öllum, eftir það voru allir leikir úrslitaleikir um að halda GS í efstu deild. Strákarnir stóðu undir því og unnu tvo síðustu leikina til að enda í sjötta sæti.
Liðið skipaði: Björgvin Sigmundsson, Guðmundur Rúnar Hallgrímsson, Pétur Þór Jaidee, Róbert Smári Jónsson, Rúnar Óli Einarsson, Sigurpáll Geir Sveinsson, Þór Ríkarðsson og Örn Ævar Hjartarson. Liðsstjóri var Jóhann Páll Kristbjörnsson.

GS Íslandsmeistarar 12 ára og yngri

Snillingarnir Íslandsmeistarar 12 ára og yngri annað árið í röð!

Yngsta sveit GS sigraði sveit Golfklúbbs Kópavogs og Garðabæjar fyrr í dag og varði þar með Íslandsmeistaratitil sinn. Frábærlega efnilegir kylfingar þar á ferð og mikið tilhlökkunarefni að fá að fylgjast með þeim í framtíðinni. Framtíðin er björt.

Til hamingju Fjóla, Davíð, Kári, Skarphéðinn, Snorri, Viktor og Siggi Palli! Til hamingju GS!

Íslandsmót golfklúbba: Sveitir GS

Um næstu helgi fer Íslandsmót golfklúbba fram á Urriðaholtsvelli og Leirdalsvelli. GS leikur í efstu deildum karla og kvenna og munu eftirtaldir skipa sveitirnar:

Sveit karla:

Björgvin Sigmundsson, Guðmundur Rúnar Hallgrímsson, Pétur Þór Jaidee, Róbert Smári Jónsson, Rúnar Óli Einarsson, Sigurpáll Geir Sveinsson, Þór Ríkarðsson og Örn Ævar Hjartarson. Liðsstjóri er Jóhann Páll Kristbjörnsson.

Sveit kvenna:

Andrea Ásgrímsdóttir, Auður Ásgrímsdóttir, Elínóra Einarsdóttir, Fjóla Margrét Viðarsdóttir, Kinga Korpak, Laufey Jóna Jónsdóttir, Rut Þorsteinsdóttir og Zuzanna Korpak. Liðsstjóri er Sigríður Erlingsdóttir.

Við hvetjum alla GSinga til að mæta í GKG og GO um helgina og fylgjast með sínu fólki – áfram GS!

Íslandsmeistarar 2018 standa sig frábærlega

Sveit GS í flokki 12 ára og yngri freistar þess að verja Íslandsmeistaratitil sinn á Íslandsmóti golfklúbba sem fer fram á völlum GKG (Mýrinni), GK (Sveinskotsvelli) og GR (Korpúlfsstaðavelli).

Það er óhætt að segja að þessir snillingar láta ekki deigan síga og hafa þau landað 20 stigum af 24 á fyrstu tveimur dögunum. Í fyrsta leik unnu krakkarnir Leyni frá Akranesi 5,5:0,5, því næst Golfklúbb Mosfellsbæjar 6:0. Í dag byrjuðu krakkarnir á að sigra Keili 5,5:0,5 og gerðu síðan 3:3 jafntefli við Golfklúbb Reykjavíkur. Á morgun etja þau að lokum kappi við Golfklúbb Kópavogs og Garðabæjar, sigri GS eða geri jafntefli er Íslandsmeistaratitillinn 2019 í höfn.

Frábærir krakkar – áfram GS!

Bikarkeppni GS 2019

Búið er að opna fyrir skráningu í Bikarkeppni GS árið 2019. Dregið verður í viðureignir föstudaginn 12. júlí kl. 20.00 í golfskálanum í Leiru.

Keppnisfyrirkomulag er holukeppni með forgjöf; lægri vallarforgjöf dregin frá hærri og mismunur reiknast sem forgjöf á erfiðustu holur Hólmsvallar.

Umferðir:

1. umferð (64 manna) skal lokið 21. júlí kl 15:00
2. umferð (32 manna) skal lokið 28. júlí kl 15:00
3. umferð (16 manna) skal lokið 11. ágúst kl 15:00
4. umferð (fjórðungsúrslit) skal lokið 18. ágúst kl 15.00
5. umferð (undanúrslit) skal lokið 25. ágúst kl 15:00
6. umferð (úrslitaleikurinn) fer fram sunnudaginn 1. september kl 12 á hádegi.

Skráning á golf.is

Klúbbmeistarar Golfklúbbs Suðurnesja 2019

Að loknu frábæru Meistaramóti er ljóst að tvö ný nöfn komast á töfluna í þetta skiptið. Í karlaflokki stóð Björgvin Sigmundsson uppi sem sigurvegari og í kvennaflokki sigraði Kinga Korpak.

Í meistaraflokki kvenna lenti Zuzanna Korpak í öðru sæti og á eftir henni hin bráðefnilega Fjóla Margrét Viðarsdóttir. Í karlaflokki þurfti þriggja manna umspil um 2.–4. sætið. Sigurpáll Geir Sveinsson landaði öðru sæti og Guðmundur Rúnar Hallgrímsson því þriðja, það varð hlutskipti Róberts Smára Jónssonar að enda í fjórða sæti.
Mótið heppnaðist frábærlega í alla staði og þátttaka var mun meiri en undanfarin ár, alls 131 þátttakendur. Fjölmenni var og góð stemmning á lokahófinu sem fram fór í golfskálanum í Leiru um kvöldið.

Verðlaunahafar 2019

Nýliðaflokkur í fyrsta sinn

Sérstök ánægja var með nýjan flokk í Meistaramóti en í fyrsta sinn var boðið upp á nýliðaflokk sem lék 3×9 holu punktakeppni undir handleiðslu reyndra kylfinga sem aðstoðuðu út á velli.

Nýliðaflokkur. Rakel S. Steinþórsdóttir, Kristina Elisabet Andrésdóttir og Arnar Ingólfsson.


Kristina Elisabet Andrésdóttir sigraði flokkinn, Rakel S Steinþórsdóttir lenti í öðru sæti og Arnar Ingólfsson í því þriðja.

Fjögurra manna umspil

Efstu menn í öðrum flokki karla. Sigurður Vignir Guðmundsson , Aron Ingi Valtýsson og Sveinn Björnsson.


Keppni var sérstaklega hörð í öðrum flokki karla en þar luku fjórir leik efstir og jafnir; Jóhann Páll Kristbjörnsson, Sveinn Björnsson, Sigurður Vignir Guðmundsson og Aron Ingi Valtýsson. Því þurfti að fara í fjögurra manna umspil og þar var ljóst að Jóhann endaðir í fjórða sæti og Sveinn í því þriðja. Baráttan um sigur í flokknum réðist þó ekki fyrr en loknu þriggja holu umspili og átta holu bráðabana en á elleftu holu þurfti Sigurður Vignir að lúta í gras fyrir Aroni Inga, báðir léku þeir frábært golf í bráðabananum.

Klúbbmeistararnir

Kinga Korpak þakkar fyrir sig í verðlaunaafhendingunni.


Björgvin Sigmundsson hélt smá tölu í lokahófinu.

Scroll to top