GREIÐSLA FÉLAGSGJALDA

Upplýsingar og leiðbeiningar vegna greiðslu félagsgjalda 2024:

Greiðsla félagsgjalda fer í gegnum kerfið Sportabler. Allir félagsmenn verða að skrá sínar greiðslur sjálfir fyrir árið. Hér má finna gjaldskrá fyrir 2023.

Athygli er vakin á eftirfarandi:

Þeir sem ekki hafa greitt árgjald 2024 eða skráð greiðslu fyrir 1. apríl (þarf ekki að hafa klárað að greiða allt) eru taldir ekki ætla að vera í klúbbnum og hafa því ekki aðgang að Golfbox.
Hjónagjald - í ár hefur verið gerð breyting frá því í fyrra en í ár er hjónagjaldið sér gjaldaliður þannig að hjón getað nú verslað hjónagjaldið beint í gegnum Sportabler.
Nýliðagjald - Þeir sem ekki hafa stundað golf síðastliðin 5 ár, þ.e. ekki greitt til golfhreyfingarinnar geta greitt nýliðagjald beint í gengum Sportabler.
Nýir GS félagar - Fyrir þá sem eru nýir í klúbbnum (koma úr öðrum klúbbi) geta skráð sig beint en eru beðnir um að hafa samband á gs@gs.is eða láta vita í síma 421-4100 þar sem við viljum endilega heyra í öllum nýjum félögum.
Aðilar sem búa utan Suðurnesja eða aukaklúbbsaðild - vinsamlegast hafið samband við skrifstofu um skráningu, gs@gs.is.
Athugið að öll félagsgjöld eru greidd í gegnum Sportabler greiðslukerfið.
Gjald fyrir alllar breytingar á greiðsluskráningu sem koma eftir á er kr. 1500.

Kvittun - Mörg stéttarfélög og atvinnurekendur styrkja starfsmenn sína við íþróttaiðkun og telst félagsaðild í GS vera styrkhæf. Hægt er að nálgast kvittun á sama stað og gjöldin eru gerð upp í Sportabler kerfinu. Það er hægt að nálgast kvittunina á sama tíma og greiðslan er skráð en einnig er hægt að fara á hvaða tíma sem er og sækja kvittun.

Leiðbeiningar um greiðsluskráningu:

Farið inn á www.sportabler/shop/gs - þetta er GS svæðið.
Því næst er smellt á "innskrá í Sportabler". Þegar farið er inn í fyrsta skipti er smellt á "nýskrá". Þá koma upp dálkar þar sem þið fyllið inn í kennitölu og netfang. Þegar það er komið fáið þið sendan tölvupóst á netfangið sem þið gáfuð upp. Í tölvupóstinum er linkur sem þið smellið á. Linkurinn opnar síðu þar sem þið fyllið inn í upplýsingar og m.a. veljið ykkur lykilorð sem þið notið svo til að skrá ykkur inn á þetta kerfi í framtíðinni. Athugið að þetta er ekki sama kerfi og Golfbox.
Þegar búið er að fara í gegnum nýskráninguna notið þið í framhaldinu "innskrá" til að skrá ykkur inn og þá notið þið netfangið og lykilorðið sem þið völduð.
Þegar þarna er komið eiga flokkarnir að sjást og valinn er sá flokkur sem á við með því að smella á "kaupa".
Þá kemur upp greiðslusíða þar sem hægt er að velja um greiðsluleið. Hægt er einnig að dreifa greiðslum og miðað er við að síðasta greiðsla sé ekki síðar en í október.

Ef einhverjar spurningar vakna varðandi félagsgjöld, greiðslu þeirra eða ef einhverjir lenda í erfiðleikum/vantar aðstoð með skráninguna þá vinsamlegast hafið samband við skrifstofu GS í síma 421-4100 eða sendið tölvupóst á gs@gs.is.

Greiða félagsgjöld