GEYSIS deildin hefur verið í gangi í allt sumar. Deildin er þannig að vinir og kunningjar skipa lið sem spila við önnur lið yfir sumarið. Spilað er í riðlum þannig að öll lið fá að minnsta kosti þrjá leiki. Allir leikir eru spilaðir með forgjöf þannig að þetta er klárlega deild fyrir kylfinga og vinahópa á öllum getustigum.
Deildin í ár var einstaklega spennandi og þegar síðasta umferðin var leikin þá gátu 3 lið orðið meistarar. Hinir útvöldu sigruðu sinn síðasta leik og tryggðu sér þannig sigur í deildinni og eru þar með meistarar í þessari skemmtilegu deildarkeppni árið 2021.
Liðið Hinir útvöldu er skipað eftirfarandi kylfingum:
Benedikt Sigurðsson
Halldór Karl Ragnarsson
John Steven Berry
Jóhannes Þór Sigurðsson
Pétur Már Pétursson
Sveinbjörn Guðni Jónsson
Þorgeir Ver Halldórsson
Við óskum þeim til hamingju með titilinn Geysisdeildarmeistarar 2021 og verður þeim afhentur bikarinn eftirsótta á lokahófi klúbbsins sem haldið verður upp úr miðjum september.
Comentarios